Áhöfnin lítið vör við hreyfingu

Á Drangey er valinn maður í hverju rúmi.
Á Drangey er valinn maður í hverju rúmi.

nýtt skip FISK Sefaood, Drangey SK-2 kom í höfn á Skagafirði í ágúst í fyrra eftir fjórtán daga siglingu frá tyrkneskri skipasmíðastöð. Gylfi Guðjónsson er útgerðarstjóri FISK Seafood og segir hann að Drangey hafi fyrst haldið til veiða í byrjun þessa árs enda hafi tekið nokkra mánuði að koma öllum vinnslutækjum fyrir um borð.

Skipið var það þriðja í röðinni af fjórum framúrstefnulegum skipum sem smíðuð voru með svk. perustefni sem beinir skrokknum með afgerandi hætti inn í ölduna og voru margir forvitnir að sjá hvernig þessi óvenjulega lögun myndi reynast úti á sjó. Upplýsir Gylfi að eiginleikar Drangeyjar á siglingu hafi verið í samræmi við væntingar. „Ekki væri sanngjarnt að bera Drangeyna saman við eldri skip útgerðarinnar enda stærra skip, en Drangey hefur ótvírætt góða siglingareiginleika og áhöfnin verður ekki vör við mikla hreyfingu.“

Betra sjólag og meira pláss

Drangey er rösklega 62,5 metrar að lengd og 2.080 brúttótonn. 1.620 kW Yanmar aðalvél knýr skipið áfram og getur keyrt á bæði svartolíu og gasolíu en siglingarhraði er 14 hnútar. Fimmtán manns eru í áhöfn hverju sinni og skipið stundar einkum þorskveiðar í norðvesturhluta lögsögunnar. „Drangey kom í staðinn fyrir Klakk en hefur svipaða eyðslu þrátt fyrir að vera mun stærra skip,“ segir Gylfi en Klakkur var kominn til ára sinna hafandi verið fyrst sjósettur fyrir fjórum áratugum.

„Klakkur var vitaskuld barn síns tíma og það hefur ekki bara orðið þróun í skipshönnun og tækjabúnaði, heldur allur aðbúnaður áhafnar batnað til muna en nú fer öll vinna fram á millidekki og körin eru færð með sjálfvirkum hætti niður í lest.“

Bárður Hafsteinsson skipaverkfræðingur hannaði skipið en óvenjulega lögun skrokksins má m.a. rekja til svk. Flekkefjord-togara sem Bárður hannaði á 9. áratugnum til að gera skip sem féllu sem best að rúmmálsreglugerðum sem þá giltu um dönsk skip. Reyndist lögunin koma vel út í ölduprófunum og kom í ljós að stórt perustefni framkallar bæði gott sjólag eykur um leið til muna plássið um borð.

Auk Drangeyjar voru Kaldbakur, Björgúlfur og Björg, skip Samherja og ÚA, smíðuð með sömu lögun og í Cemre-skipasmíðastöðinni í Tyrklandi.

Afkastamikið skip

Alltaf á sér stað einhver aðlögun þegar nýtt fiskveiðiskip er tekið í notkun og segir Gylfi að þar hafi allt verið í samræmi við áætlun. „Það má reikna með að eitthvað komi upp á í nýsmíðuðu skipi, sem lagfæra þarf og bæta en fyrstu mánuðir Drangeyjar á veiðum hafa gengið vel.“

Vinnslubúnaðurinn um borð, sem hannaður var og smíðaður af Skaganum 3X á Akranesi, hefur líka virkað í samræmi við væntingar. „Afköstin eru mikil en þess er gætt að stýra veiðunum til að taka ekki inn of stór hóll svo að hráefnið sé örugglega í toppgæðum,“ útskýrir Gylfi en enginn ís er notaður um borð heldur er fiskurinn forkældur með fullkomnu kælikerfi og hitastig hans orðið -0,5°C þegar ofan í lestina er komið. 

Lagt frá bryggju.
Lagt frá bryggju. Ljósm/Davíð Már Sigurðsson
Gert að fiskinum í lestinni.
Gert að fiskinum í lestinni. Ljósmynd/Davíð Már Sigurðsson
Drangey þegar togarinn kom til hafnar á Króknum í fyrsta ...
Drangey þegar togarinn kom til hafnar á Króknum í fyrsta sinn á síðasta ári. Mbl.is/Hafþór Hreiðarsson
Afurð Dags. Meðalverð
Þorskur, óslægður 21.9.18 320,98 kr/kg
Þorskur, slægður 21.9.18 322,41 kr/kg
Ýsa, óslægð 21.9.18 286,89 kr/kg
Ýsa, slægð 21.9.18 252,40 kr/kg
Ufsi, óslægður 21.9.18 87,19 kr/kg
Ufsi, slægður 21.9.18 127,26 kr/kg
Djúpkarfi 28.6.18 87,90 kr/kg
Gullkarfi 21.9.18 164,67 kr/kg
Litli karfi 28.6.18 45,00 kr/kg
Blálanga, óslægð 21.9.18 196,42 kr/kg

Fleiri tegundir »

21.9.18 Kaldbakur EA-001 Botnvarpa
Karfi / Gullkarfi 17.288 kg
Djúpkarfi 13.481 kg
Ufsi 10.453 kg
Samtals 41.222 kg
21.9.18 Fjóla SH-007 Plógur
Ígulker 1.676 kg
Samtals 1.676 kg
21.9.18 Hörður Björnsson ÞH-260 Lína
Steinbítur 868 kg
Þorskur 861 kg
Karfi / Gullkarfi 654 kg
Tindaskata 367 kg
Hlýri 64 kg
Skarkoli 43 kg
Samtals 2.857 kg
21.9.18 Björgvin EA-311 Botnvarpa
Karfi / Gullkarfi 16.544 kg
Samtals 16.544 kg

Skoða allar landanir »