Halda í góðar hefðir

Nýtt skip Samherja leysir núverandi Vilhelm Þorsteinsson EA 11 af ...
Nýtt skip Samherja leysir núverandi Vilhelm Þorsteinsson EA 11 af hólmi og verður vel búið í alla staði.

Samningar Samherja um smíði á nýju uppsjávarskipi hjá Karstensens-skipasmíðastöðinni í Skagen í Danmörku voru fullfrágengnir 4. september. Þann dag hefðu tvíburabræðurnir Baldvin og Vilhelm Þorsteinssynir orðið 90 ára gamlir, en þeir eru feður Þorsteins Más Baldvinssonar, forstjóra Samherja, og Kristjáns Vilhelmssonar, framkvæmdastjóra útgerðarsviðs. Baldvin lést 21. desember 1991 og Vilhelm 22. desember 1993.

Bræðurnir Baldvin og Vilhelm Þorsteinssynir í Hlíðarfjalli.
Bræðurnir Baldvin og Vilhelm Þorsteinssynir í Hlíðarfjalli. Ljósmynd/Af heimasíðu Samherja

Skipið á að afhenda um mitt sumar 2020 og verður það vel búið í alla staði, bæði hvað varðar veiðar og meðferð á afla, sem og vinnuaðstöðu og aðbúnað áhafnar, segir á heimasíðu Samherja. Burðargeta verður um þrjú þúsund tonn af kældum afurðum. Nýsmíðin á að leysa af hólmi núverandi Vilhelm Þorsteinsson EA 11 sem kom nýr til landsins fyrir 18 árum.

Afmælisdagur þeirra bræðra, 4. september, hefur áður tengst stórviðburðum í sögu fyrirtækisins. Hinn 4. september árið 1992 var nýsmíði Samherja, Baldvin Þorsteinssyni EA 10, gefið nafn og 3. september árið 2000 var núverandi Vilhelm Þorsteinssyni EA 11 gefið nafn. Ástæðan fyrir því að 3. september varð fyrir valinu var sú að 4. september bar upp á mánudag.

Mánudagar ekki heppilegir

„Hjátrú hefur lengi fylgt lífi sjómannsins þar sem haldið er í hefðirnar til að reyna að tryggja farsæla heimkomu og góðan afla og voru þeir bræður engin undantekning. Á tímabili þegar Baldvin starfaði sem skipstjóri þurfti hann iðulega að fara í ákveðna peysu áður en nótinni var kastað en peysuna hafði hann erft eftir mág sinn, Alfreð Finnbogason, hinn mikla aflaskipstjóra.

Samherji heldur í góðar hefðir líkt og bræðurnir Vilhelm og Baldvin gerðu. Til að mynda skulu skip ekki fara til veiða á nýju ári á mánudegi né nýr starfsmaður hefja störf. Það er því engin tilviljun að gengið var frá samningum um smíði nýs skips á þessum degi 4. september,“ segir á heimasíðunni.

Afurð Dags. Meðalverð
Þorskur, óslægður 22.1.19 307,32 kr/kg
Þorskur, slægður 22.1.19 369,18 kr/kg
Ýsa, óslægð 22.1.19 310,48 kr/kg
Ýsa, slægð 22.1.19 300,54 kr/kg
Ufsi, óslægður 22.1.19 89,64 kr/kg
Ufsi, slægður 22.1.19 132,42 kr/kg
Djúpkarfi 22.1.19 199,00 kr/kg
Gullkarfi 22.1.19 233,58 kr/kg
Litli karfi 22.1.19 0,00 kr/kg
Blálanga, óslægð 22.1.19 223,47 kr/kg

Fleiri tegundir »

22.1.19 Dagur ÞH-110 Línutrekt
Þorskur 1.982 kg
Ýsa 839 kg
Steinbítur 23 kg
Samtals 2.844 kg
22.1.19 Háey Ii ÞH-275 Lína
Þorskur 2.922 kg
Ýsa 236 kg
Tindaskata 81 kg
Hlýri 32 kg
Karfi / Gullkarfi 12 kg
Steinbítur 2 kg
Samtals 3.285 kg
22.1.19 Páll Helgi ÍS-142 Rækjuvarpa
Rækja (úthafsrækja) 1.155 kg
Þorskur 153 kg
Karfi / Gullkarfi 32 kg
Steinbítur 5 kg
Samtals 1.345 kg

Skoða allar landanir »