Ný Ísborg til Ísafjarðar

Ísborg ll ÍS 260 kom til nýrrar heimahafnar á Ísafirði fyrir helgina. Eldra skipi með sama nafni verður lagt og fer í brotajárn. Það nýja var áður gert út frá Sauðárkróki og hét þá Klakkur SK og var gert út af Fisk Seafood. Skipið er 500 rúmlestir, smíðað í Póllandi  árið 1977.

Á dögunum var Ísborg II í slip á Akureyri, þar sem skipið var botnmálað og öxuldregið. Að því er fram kemur á vef bb.is verður veturinn notaður til að búa skipið til rækjuveiða sem hefjast næsta vor.

• Blogga um frétt