Smáýsan truflar á Skjálfanda

„Fiskur hefur stækkað umtalsvert í seinni tíð,
„Fiskur hefur stækkað umtalsvert í seinni tíð," segir Haukur Eiðsson skipstjóri. Mbl.is/Hafþór Hreiðarsson

„Sjórinn er fullur af smáýsu, það er samdóma mat sjómanna nánast hringinn í kringum landið,“ segir Haukur Eiðsson, skipstjóri á Karólínu ÞH 100, í samtali við 200 nú í kvöld. Hann var þá úti á Skjálfandaflóa, um 15 sjómílur norður af Tjörnesi, að draga línuna og senn á leið í land.

Varla ætur róður

Fiskirí síðasta mánuðinn segir Haukur hafa verið tregt, en túrinn í dag sé sá skásti í langan tíma. „Þetta er sennilega besti dagurinn síðan við byrjuðum aftur eftir sumarfrí um miðjan ágúst. Að undanförnu hefur þetta varla verið ætur róður,“  segir Haukur sem er jafnt að reyna að ná þorski og ýsu.

Sá guli fer  í vinnslu á Húsavík en meðaflinn á markað.

Of mikil aukning

Ýsukvótinn á nýhöfnu fiskveiðiári var aukinn um liðlega 40%, úr 41 þúsundi tonna í 58 þúsund tonn. Þá ráðstöfun segir Haukur hafa verið skammsýni, hvað sem líði ráðgjöf Hafrannsóknastofnunar.

„Aukning um 10% hefði verið nær lagi, þannig að stofninn næði að styrkjast betur. Smáýsan er truflandi og þess utan verðlaus fiskur. Menn henda jafnvel frekar ýsunni en koma með að landi því allt telur þetta í veiðigjöldum,“ segir Haukur sem hefur gert Karólínu út frá árinu 2007.

Fiskurinn stækkar

„Fiskur hefur stækkað umtalsvert í seinni tíð. Fyrir tíu árum var algeng stærð á fiski sem kom á línuna 3 kg en nú um 5 kg. Það er mikil breyting,“ segir Haukur sem er við þriðja mann í áhöfn Karólínu, en með honum róa Örn Arngrímsson og Unnar Már Emilsson.

Karólína ÞH er 15 tonna línubátur.
Karólína ÞH er 15 tonna línubátur. mbl.is/Hafþór Hreiðarsson
mbl.is
Afurð Dags. Meðalverð
Þorskur, óslægður 20.9.18 421,53 kr/kg
Þorskur, slægður 20.9.18 475,51 kr/kg
Ýsa, óslægð 20.9.18 302,48 kr/kg
Ýsa, slægð 20.9.18 325,14 kr/kg
Ufsi, óslægður 20.9.18 63,54 kr/kg
Ufsi, slægður 20.9.18 139,48 kr/kg
Djúpkarfi 28.6.18 87,90 kr/kg
Gullkarfi 20.9.18 166,55 kr/kg
Litli karfi 28.6.18 45,00 kr/kg
Blálanga, óslægð 19.9.18 221,00 kr/kg

Fleiri tegundir »

20.9.18 Guðmundur Einarsson ÍS-155 Landbeitt lína
Ýsa 1.400 kg
Þorskur 447 kg
Samtals 1.847 kg
20.9.18 Otur Ii ÍS-173 Landbeitt lína
Ýsa 2.147 kg
Þorskur 548 kg
Samtals 2.695 kg
20.9.18 Blíða SH-277 Gildra
Beitukóngur 2.034 kg
Samtals 2.034 kg
20.9.18 Þorlákur ÍS-015 Dragnót
Þorskur 2.278 kg
Skarkoli 472 kg
Ýsa 177 kg
Ufsi 100 kg
Lúða 9 kg
Steinbítur 8 kg
Þykkvalúra / Sólkoli 2 kg
Samtals 3.046 kg

Skoða allar landanir »