Samþykkti kaupin á Ögurvík
Setja bókamerki
Stjórn HB Granda hf. samþykkti í dag samning um kaup á öllu hlutafé í útgerðarfélaginu Ögurvík ehf. sem gerður var 7. september og hefur hún ákveðið að leggja samninginn fyrir hluthafafund í félaginu til samþykktar. Þetta kemur fram á vefsíðu félagsins.
Kaupverðið er 12,3 milljarðar króna en það byggist á niðurstöðum tveggja óháðra matsmanna segir ennfremur. „Þá vinnur Deloitte á Íslandi skýrslu um kaupin samkvæmt lögum um viðskipti tengdra aðila og verður hún kynnt hluthöfum með fundarboði. Viðskiptin eru háð samþykki Samkeppniseftirlitsins. Kaupin verða fjármögnuð með eigin fé og lánsfjármagni. Hlutabréfin verða afhent við greiðslu kaupverðs.“
Ögurvík ehf. gerir út Vigra RE 71 sem er 2.157 tonna frystitogari smíðaður árið 1992. Aflaheimildir félagsins á fiskveiðiárinu sem hófst 1. september 2018 eru 7.680 tonn af botnfiski og 1.663 tonn af makríl miðað við úthlutun árið 2018. Þá kemur fram að félagið hafi rekið útgerð frá Reykjavík í meira en hálfa öld. Með kaupunum á Ögurvík breikki grunnurinn undir starfsemi HB Granda og fiskveiðikvóti félagsins eykst.
Vona að Orkustofnun veiti ekki virkjunarleyfi
Veiting hvalveiðileyfis ekki brot á EES-samningi
Eyjafjarðarbraut lokað vegna alvarlegs umferðarslyss
Skiptir miklu meira máli en fólk grunar
Skemmtiferðaskip hætt komið nærri Viðey
Kostnaður meiri en milljón á fermetra
„Á réttri leið en nokkuð í land ennþá“