Vill stækka verulega

Guðmundur Kristjánsson, forstjóri og stærsti eigandi HB Granda.
Guðmundur Kristjánsson, forstjóri og stærsti eigandi HB Granda. Kristinn Magnússon

„Ég vildi að HB Grandi yrði í 12% kvótaþakinu að minnsta kosti. En það er fleira sem þarf að gerast. Við munum án efa leita samstarfs við sjávarútvegsfyrirtæki í nágrannalöndunum og víðar. Og þá viljum við líka fjárfesta í sölu- og markaðsfyrirtæki erlendis. Félagið er að byrja vinnu við nýja stefnumótun í þessum anda.“ Þannig lýsir Guðmundur Kristjánsson, forstjóri og stærsti eigandi HB Granda, atburðarásinni sem leiddi til þess að stærstu lífeyrissjóðir landsins ákváðu að ganga ekki að yfirtökutilboði hans á fyrirtækinu fyrr á þessu ári.

Guðmundur segir að HB Grandi sé vel í stakk búinn til að ráðast í frekari fjárfestingar. Það sé m.a. kostur þess að hafa félagið skráð á markað að aðgengi að lánsfé á góðum kjörum sé auðsótt.

Hlutlaust mat á verðmætinu

Í ítarlegu viðtali á miðopnu ViðskiptaMoggans í dag ræðir Guðmundur um kaupin á HB Granda, forstjóraskiptin og þá framtíðarsýn sem hann hefur fyrir hið sögufræga útgerðarfélag. Hann gefur ekkert fyrir gagnrýni á nýtilkynnt kaup HB Granda á öllu hlutafé Ögurvíkur en eigandi fyrirtækisins er Brim sem Guðmundur er eigandi að.

„Við erum búin að fá nokkur hlutlaus möt á verðgildi Ögurvíkur. HB Grandi getur ekki verið að kaupa eignir af stærsta eiganda fyrirtækisins á einhverju yfirverði. Hvort seljandinn er að hagnast eða tapa á viðskiptunum skiptir ekki máli í þessu sambandi. Það sem skiptir máli er að hluthafarnir séu sáttir.“ Stjórn félagsins mun taka kaupin til umfjöllunar á fundi sem boðaður hefur verið í dag en Guðmundur ítrekar að þá eigi hluthafafundur einnig eftir að leggja blessun sína yfir viðskiptin og þá verði ákvörðunin í kjölfarið borin undir Samkeppniseftirlitið.

Vill auknar heimildir

Gangi kaupin á Ögurvík eftir verður aflamark HB Granda 11,19% en lögum samkvæmt má það ekki fara yfir 12%. Guðmundur segir að félagið þurfi að geta náð meiri hagræðingu út úr rekstrinum en það þak setur félaginu.

„Félagið er skráð á markað, í dreifðri eignaraðild og allir geta keypt sig inn í það eða selt. Stjórnvöld verða að ákveða hvar markið liggur en ég sæi fyrir mér að skráð félag eins og HB Grandi gæti haldið á 20% aflaheimildanna í landinu.“

Afurð Dags. Meðalverð
Þorskur, óslægður 16.11.18 285,99 kr/kg
Þorskur, slægður 16.11.18 327,96 kr/kg
Ýsa, óslægð 16.11.18 232,01 kr/kg
Ýsa, slægð 16.11.18 207,22 kr/kg
Ufsi, óslægður 16.11.18 39,87 kr/kg
Ufsi, slægður 16.11.18 164,36 kr/kg
Djúpkarfi 12.11.18 246,54 kr/kg
Gullkarfi 16.11.18 304,25 kr/kg
Litli karfi 24.10.18 17,00 kr/kg
Blálanga, óslægð 16.11.18 269,00 kr/kg

Fleiri tegundir »

16.11.18 Sandfell SU-075 Lína
Þorskur 373 kg
Keila 138 kg
Ýsa 79 kg
Hlýri 62 kg
Karfi / Gullkarfi 48 kg
Ufsi 17 kg
Langa 16 kg
Samtals 733 kg
16.11.18 Þristur BA-036 Plógur
Sæbjúga /Hraunpussa 3.570 kg
Samtals 3.570 kg
16.11.18 Elli P SU-206 Lína
Þorskur 3.325 kg
Ýsa 207 kg
Samtals 3.532 kg
16.11.18 Guðmundur Þór SU-121 Línutrekt
Þorskur 2.833 kg
Ýsa 583 kg
Samtals 3.416 kg

Skoða allar landanir »