Bein aðför að smábátaútgerð

Umræddar tillögur er að finna í lokaskýrslu starfshóps sem hafði ...
Umræddar tillögur er að finna í lokaskýrslu starfshóps sem hafði það verkefni að gera faglega heildarendurskoðun á regluverki varðandi notkun veiðarfæra, veiðisvæða og verndunarsvæða á Íslandsmiðum. mbl.is/Sigurður Bogi

Formenn þriggja svæðisfélaga Landssambands smábátaeigenda hafa harðlega gagnrýnt tillögur um að banna handfæraveiðar á tilteknum svæðum í Faxaflóa og Breiðafirði. Á heimasíðu LS er haft eftir formönnum félaganna á Akranesi og í Reykjavík að það úr tillögunum sem eigi við um Faxaflóa sé bein aðför að smábátaútgerð frá Akranesi og Reykjavík. Kæmu þær til framkvæmda yrðu það endalok þessa útgerðarforms við Faxaflóa, svo alvarlegt væri málið.

Formenn félaganna í Reykjavík og á Akranesi segja að lokanir veiðisvæða vegna handfæraveiða eigi aldrei rétt á sér. Handfæraveiðar séu ekki og geti ekki orðið vandamál sem vinni gegn uppbyggingu fiskistofna á Íslandsmiðum. Þá hefur Snæfell – félag smábátaeigenda á Snæfellsnesi, mótmælt tillögunum.

Gætu kollvarpað áætlunum

Umræddar tillögur er að finna í lokaskýrslu starfshóps sem hafði það verkefni að gera faglega heildarendurskoðun á regluverki varðandi notkun veiðarfæra, veiðisvæða og verndunarsvæða á Íslandsmiðum. Fjallað var um skýrsluna í Morgunblaðinu á miðvikudag og kom þar fram að lagt er til að 13 veiðisvæðum á grunnslóð við landið verði lokað.

Á heimasíðu LS eru félagsmenn hvattir til að kynna sér innihald skýrslunnar þar sem einstaka tillögur hópsins, komist þær í framkvæmd, geta hæglega kollvarpað framtíðarplönum smábátaeigenda.

Afurð Dags. Meðalverð
Þorskur, óslægður 19.10.18 302,55 kr/kg
Þorskur, slægður 19.10.18 325,60 kr/kg
Ýsa, óslægð 19.10.18 212,48 kr/kg
Ýsa, slægð 19.10.18 164,57 kr/kg
Ufsi, óslægður 19.10.18 100,35 kr/kg
Ufsi, slægður 19.10.18 140,98 kr/kg
Djúpkarfi 3.10.18 124,00 kr/kg
Gullkarfi 19.10.18 300,01 kr/kg
Blálanga, óslægð 18.10.18 226,00 kr/kg
Blálanga, slægð 19.10.18 299,33 kr/kg

Fleiri tegundir »

19.10.18 Jónína Brynja ÍS-055 Lína
Þorskur 239 kg
Ýsa 92 kg
Steinbítur 32 kg
Skarkoli 5 kg
Samtals 368 kg
19.10.18 Arney BA-158 Lína
Þorskur 3.370 kg
Ýsa 1.070 kg
Langa 104 kg
Skarkoli 1 kg
Samtals 4.545 kg
19.10.18 Sæli BA-333 Lína
Ýsa 140 kg
Þorskur 67 kg
Samtals 207 kg
19.10.18 Blíða SH-277 Plógur
Ígulker 1.802 kg
Samtals 1.802 kg

Skoða allar landanir »