Fagna aukinni umferð aðkomutogara

Björgúlfur við komuna til heimahafnar í fyrsta sinn á síðasta ...
Björgúlfur við komuna til heimahafnar í fyrsta sinn á síðasta ári. mbl.is/Skapti Hallgrímsson

Aðkomutogarar í Neskaupstað hafa landað þar tæplega 1.700 tonnum í sumar. Hafa skipin verið að veiðum úti fyrir Austfjörðum og hagkvæmara reynst að landa aflanum þar eystra. „Auðvitað fögnum við þessari auknu umferð skipa um hafnirnar, hún er afar jákvæð,“ segir Hákon Ásgrímsson, framkvæmdastjóri Fjarðabyggðarhafna.

Greint er frá þessu á vef Síldarvinnslunnar, en um er að ræða togarana Björgúlf EA og Hjalteyrina EA frá Samherja, auk Kaldbaks EA sem gerður er út af Útgerðarfélagi Akureyringa. 

Áður hafa 200 mílur fjallað um landanir Kaldbaks EA, togara ÚA, sem reynst hafa Seyðisfjarðarhöfn drjúgar.

Fram kemur á vef útgerðarinnar að Björgúlfur EA hafi landað fjórum sinnum í Neskaupstað í sumar, samtals um 540 tonnum. Hjalteyrin EA hafi þá landað þar alls sjö sinnum, samtals 545 tonnum. Þá sé Kaldbakur EA nú að landa í fjórða sinn og afli hans samtals um 580 tonn.

Að auki hafi Anna EA landað grálúðu í Neskaupstað, einkum í byrjun árs og í sumar. Landanir hennar þar séu tólf hingað til og heildarafli um 1.030 tonn.

Bent er á að fyrir liggi að þessar landanir skipti hafnarsjóð Fjarðabyggðar miklu máli og segir Hákon þær afar jákvæðar.

„Þessar landanir hafa aukist mikið frá fyrri árum og þær hafa jákvæð áhrif á tekjur hafnarsjóðs, bæði tekjur í formi hafnargjalda og aflagjalda. Ekki má heldur gleyma því að landanirnar eru mikilvægar fyrir fyrirtæki á svæðinu. Ég vil til dæmis í því sambandi nefna fyrirtæki sem sinna löndunarþjónustu og flutningafyrirtæki,“ segir hann og kveðst fagna aukinni umferð um hafnirnar.

mbl.is
Afurð Dags. Meðalverð
Þorskur, óslægður 17.4.19 355,41 kr/kg
Þorskur, slægður 17.4.19 380,86 kr/kg
Ýsa, óslægð 17.4.19 354,23 kr/kg
Ýsa, slægð 17.4.19 291,79 kr/kg
Ufsi, óslægður 17.4.19 91,66 kr/kg
Ufsi, slægður 17.4.19 125,76 kr/kg
Djúpkarfi 9.4.19 224,97 kr/kg
Gullkarfi 17.4.19 208,01 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

18.4.19 Guðmundur Þór SU-121 Grásleppunet
Grásleppa 1.094 kg
Þorskur 204 kg
Ýsa 28 kg
Skarkoli 6 kg
Samtals 1.332 kg
18.4.19 Fönix BA-123 Grásleppunet
Grásleppa 5.289 kg
Þorskur 505 kg
Rauðmagi 61 kg
Skarkoli 4 kg
Samtals 5.859 kg
18.4.19 Sæfari BA-110 Grásleppunet
Grásleppa 3.728 kg
Samtals 3.728 kg
18.4.19 Sindri BA-024 Grásleppunet
Grásleppa 878 kg
Þorskur 22 kg
Skarkoli 22 kg
Steinbítur 6 kg
Tindaskata 6 kg
Samtals 934 kg

Skoða allar landanir »