Borgarís fyrir mynni Eyjafjarðar

Myndarlegur borgarís er nú í mynni Eyjafjarðar. Mikið hefur kurlast úr honum og varar Landhelgisgæslan við að ísbrotin geti reynst hættuleg í myrkri.

Staðsetning borgaríssins á hádegi í dag var 66°08.89 18°28,98 og á eftir að koma í ljós hvort að hann muni halda inn Eyjafjörðinn eða fara þar framhjá.

Að sögn vakthafandi starfsmanns hjá Landhelgisgæslunni hefur verið haft samband við báta og skip á svæðinu og þau verið beðin um að láta fljótlega aftur vita af staðsetningu borgaríssins.

Hefur töluverður fjöldi hvalaskoðunarbáta og annarra báta á svæðinu siglt þar að til að skoða.

• Blogga um frétt