Sveitarfélögin Vesturbyggð og Tálknafjarðarhreppur krefjast þess að gripið verði til tafarlausra aðgerða, í kjölfar þess að úrskurðarnefnd umhverfis- og auðlindamála felldi úr gildi rekstrarleyfi sem Matvælastofnun hafði veitt Fjarðarlaxi og Arctic Sea til fiskeldis í Patreksfirði og Tálknafirði.

„Áhrif úrskurðarins eru gríðarleg á atvinnulíf og samfélög á sunnanverðum Vestfjörðum og verulegir hagsmunir í húfi,“ segir í sameiginlegri yfirlýsingu sveitarfélaganna beggja.

Segir í henni að frá upphafi hafi sveitarfélögin gert þá skýlausu kröfu að faglega sé staðið að veitingu leyfa ásamt því að rannsóknum og virku eftirliti sé sinnt.

„Lögð hefur verið áhersla á að byggja upp ábyrga atvinnugrein í sátt við menn og náttúru og eru það því mikil vonbrigði komin sé upp sú staða að líf fólks og framtíðaráform séu sett í uppnám. Ákall sveitarfélaganna er að þetta mál verði sett í algjöran forgang hjá ríkisstjórn og Alþingi þannig að hægt verði að lágmarka þann skaða sem nú þegar er orðinn.“

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt