Funda í Stjórnarráðinu vegna laxeldisfyrirtækja
Setja bókamerki
Ríkisstjórnin fundar nú í Stjórnarráðinu, en gera má ráð fyrir að þar sé rætt um stöðu laxeldisfyrirtækja í Patreksfirði og Tálknafirði. Þetta herma heimildir mbl.is, en í fréttum Bylgjunnar á hádeginu kom fram að ráðherrar hefðu mætt til fundar um hádegisbil.
Í síðustu viku felldi úrskurðarnefnd umhverfis- og auðlindamála úr gildi starfsleyfi tveggja laxeldisfyrirtækja og úrskurðaði nefndin að ekki væri heimild til að fresta réttaráhrifum þess.
Ráðherrar ríkisstjórnarinnar hafa lýst yfir áhyggjum sínum af stöðu mála, en fjöldi starfa á Vestfjörðum tengist laxeldinu. Þannig hefur Bjarni Benediktsson fjármálaráðherra sagt óvissuna óviðunandi og Katrín Jakobsdóttir forsætisráðherra og Kristján Þór Júlíusson sjávarútvegsráðherra sagt að til skoðunar sé hvaða leiðar séu færar til þess að veita fyrirtækjunum „sanngjarnan frest til að bæta úr þeim annmörkum sem koma fram í kæruferli og faglega sé staðið að öllum málum.“
Skar höfuðleðrið af íslenskri konu
Vélsleðaslys: Þyrlan kölluð út á mesta forgangi
Tveir í bílnum sem lenti utan vegar
Banna mengandi búnað sem leyfður er á Íslandi
Árshátíð ríkislögreglustjóra haldin í Tékklandi
Skiptir miklu meira máli en fólk grunar
Kostnaður meiri en milljón á fermetra
Handteknir eftir myndatöku í Vesturbæjarlaug