Krakkarnir vita ekki hvort þeir verða áfram í skólanum

Arctic Fish er að byggja upp mikla seiðastöð í Tálknafirði. ...
Arctic Fish er að byggja upp mikla seiðastöð í Tálknafirði. Þar er verið að ala stórseiði sem ætlunin er að setja í sjókvíar í Patreksfirði og Tálknafirði á næsta ári. Stöðin er tæknilega mjög vel útbúin. mbl.is/Guðlaugur Albertsson

„Þetta er flókið mál og mér finnst kerfið hafa klikkað. Kerfið gerir ekki ráð fyrir því að það er fólk fyrir vestan sem hefur lífsviðurværi sitt af þessari starfsemi. Um 25% fjölskyldna á sunnanverðum Vestfjörðum hafa beina afkomu af fiskeldi,“ segir Sigurður Pétursson, framkvæmdastjóri hjá fiskeldisfyrirtækinu Arctic Fish. Starfs- og rekstrarleyfi fyrirtækisins vegna áformaðs laxeldis í Patreks- og Tálknafirði voru felld úr gildi með úrskurðum úrskurðarnefndar umhverfis- og auðlindamála í síðustu viku.

Sigurður nefnir sem dæmi um óvissuna sem uppi er vegna úrskurðanna að kennari úr grunnskólanum á Tálknafirði hafi haft samband við sig í gær til að fá útskýringar á stöðunni. Ástæðan sé sú að nemendurnir viti ekki fyrir víst hvort þeir verða áfram í skólanum.

Muni bera ógildinguna fyrir dómstóla

„Mér finnst þetta lýsa stöðunni vel. Það skilur enginn hvernig hægt er að kippa í burtu leyfi fyrir starfsemi sem hefur verið stunduð í næstum því heilt ár. Fæstir trúa því að slíkt geti gerst í réttarríki. Þetta mál hefur vonandi vakið fleiri en mig til vitundar um það hvort við búum í samfélagi þar sem kerfið er haft ofar fólkinu og samfélögum þess,“ segir Sigurður.

Hann segir að fyrirtækin muni bera ógildingu rekstrar- og starfsleyfanna undir dómstóla. Hann er þrátt fyrir allt bjartsýnn á að lausn finnist í kerfinu. „Það erfiða í þessu er að við erum undir sama hatti og starfsmenn okkar og samfélagið allt á Vestfjörðum. Við þurfum að halda niðri í okkur andanum og bíða eftir næstu fréttum. Þannig er staðan einmitt núna,“ segir Sigurður Pétursson.

Ítarlegra viðtal við Sigurð má finna í Morgunblaðinu í dag.

Afurð Dags. Meðalverð
Þorskur, óslægður 11.12.18 321,63 kr/kg
Þorskur, slægður 11.12.18 378,47 kr/kg
Ýsa, óslægð 11.12.18 291,26 kr/kg
Ýsa, slægð 11.12.18 266,46 kr/kg
Ufsi, óslægður 11.12.18 123,57 kr/kg
Ufsi, slægður 11.12.18 139,86 kr/kg
Djúpkarfi 6.12.18 307,00 kr/kg
Gullkarfi 11.12.18 272,04 kr/kg
Litli karfi 24.10.18 17,00 kr/kg
Blálanga, óslægð 10.12.18 192,80 kr/kg

Fleiri tegundir »

11.12.18 Þorlákur ÍS-015 Dragnót
Þorskur 116 kg
Ýsa 64 kg
Skarkoli 4 kg
Þykkvalúra / Sólkoli 2 kg
Lúða 2 kg
Samtals 188 kg
11.12.18 Agnar BA-125 Línutrekt
Þorskur 2.232 kg
Ýsa 1.742 kg
Samtals 3.974 kg
11.12.18 Sæfari HU-212 Landbeitt lína
Þorskur 1.638 kg
Ýsa 264 kg
Steinbítur 2 kg
Samtals 1.904 kg
11.12.18 Sæþór EA-101 Þorskfisknet
Þorskur 1.806 kg
Skarkoli 26 kg
Ýsa 7 kg
Rauðmagi 5 kg
Samtals 1.844 kg

Skoða allar landanir »