Lög um fiskeldi samþykkt á Alþingi

Frumvarpið var lagt fram við upphaf þingfundar í dag eftir ...
Frumvarpið var lagt fram við upphaf þingfundar í dag eftir hádegi og samþykkt á tólfta tímanum í kvöld. mbl.is/​Hari

Frumvarp Kristjáns Þórs Júlí­us­sonar, sjáv­ar­út­vegs- og land­búnaðarráðherra, um breyt­ing­ar á lög­um um fisk­eldi, var samþykkt á Alþingi á tólfta tímanum í kvöld. Frumvarpið fel­ur í sér heim­ild til ráðherra til þess að gefa út rekstr­ar­leyfi til bráðabirgða vegna fisk­eld­is.

Frumvarpið var samþykkt með 45 greiddum atkvæðum. Sex sátu hjá og nefndu þeir þingmenn helst þá ástæðu að þeir væru ósáttir við hversu hröð málsmeðferðin var. 

Ráðherra sagðist vera þakklátur fyrir þann skilning sem þingmenn hafa sýnt frumvarpinu. „Ég geri mér grein fyrir að þetta mál er undir mikilli pressu en ég ítreka þakkir fyrir þann skilning sem þingmenn sýna því að það er brýn nauðsyn að bregðast skjótt við,“ sagði Kristján Þór meðal annars.

Kristján Þór Júlíusson sjávarútvegsráðherra.
Kristján Þór Júlíusson sjávarútvegsráðherra. mbl.is/​Hari

Frum­varpið var lagt fram eft­ir að úr­sk­urðar­nefnd um um­hverf­is- og auðlinda­mál ógilti bæði starfs- og rekstr­ar­leyfi Fjarðalax og Arn­ar­lax fyr­ir fisk­eldi í Pat­reks­firði og Tálknafirði.

Ráðherra lagði fram frumvarpið við upphaf þingfundar í dag eftir hádegi. Áður fór fram fundur í atvinnuveganefnd Alþingis. Þingfundi var frestað laust eftir klukkan 18 og hófst þá aftur fundur í atvinnuveganefnd. Þingfundur hófst aftur klukkan kortér yfir tíu í kvöld þar sem önnur og þriðja umræðu fóru fram áður en frumvarpið var samþykkt.

Helga Vala Helgadóttir kvaddi sér hljóðs við atkvæðagreiðslu um frumvarpið og sagði hún að verið sé að bregðast við með ófullnægjandi hætti og kallaði hún atburðarás síðustu daga stjórnsýsluklúður. „Hvað gerist svo? Hvenær þurfum við að lagfæra það sem við gerum hér í dag?“ spurði þingmaðurinn.

Frumvarpið öðlast þegar gildi og verður sent ríkisstjórninni sem lög frá Alþingi. 

mbl.is
Afurð Dags. Meðalverð
Þorskur, óslægður 18.10.18 337,72 kr/kg
Þorskur, slægður 18.10.18 331,25 kr/kg
Ýsa, óslægð 18.10.18 289,90 kr/kg
Ýsa, slægð 18.10.18 238,17 kr/kg
Ufsi, óslægður 18.10.18 6,80 kr/kg
Ufsi, slægður 18.10.18 137,94 kr/kg
Djúpkarfi 3.10.18 124,00 kr/kg
Gullkarfi 18.10.18 310,00 kr/kg
Blálanga, óslægð 18.10.18 226,00 kr/kg
Blálanga, slægð 18.10.18 216,22 kr/kg

Fleiri tegundir »

18.10.18 Badda SK-113 Þorskfisknet
Þorskur 1.561 kg
Ýsa 257 kg
Ufsi 25 kg
Skarkoli 4 kg
Samtals 1.847 kg
18.10.18 Hafbjörg ST-077 Þorskfisknet
Þorskur 422 kg
Samtals 422 kg
18.10.18 Gísli Súrsson GK-008 Lína
Ýsa 635 kg
Steinbítur 182 kg
Þorskur 155 kg
Keila 9 kg
Samtals 981 kg
18.10.18 Kristján HF-100 Lína
Steinbítur 176 kg
Þorskur 104 kg
Samtals 280 kg

Skoða allar landanir »