Talsverð umræða hefur farið fram á Alþingi í kjölfar þess að Kristján Þór Júlíusson, sjávarútvegs- og landbúnaðarráðherra, lagði fram frumvarp sitt um breytingar á lögum um fiskeldi sem felur í sér heimild til ráðherra til þess að gefa út rekstrarleyfi til bráðabirgða vegna fiskeldis. Samþykkt var með afbrigðum að taka frumvarpið strax á dagskrá þingsins.

Þingmenn sem tóku til máls hafa flestir verið sammála um að þörf sé á aðgerðum vegna ákvörðunar úrskurðarnefndar umhverfis- og auðlindamála að fella úr gildi starfsleyfi tveggja fiskeldisfyrirtækja sem starfrækt eru á Vestfjörðum. Hins vegar hafa verið nokkuð skiptar skoðanir um að rétt sé að fara þá leið sem boðuð er með frumvarpi ráðherra.

Lögð er áhersla á það af stjórnarmeirihlutanum að ljúka afgreiðslu málsins á Alþingi sem fyrst og er gert ráð fyrir að frumvarpið verði tekið fyrir á fundi atvinnuveganefndar þingsins síðar í dag að lokinni fyrstu umræðu. Steingrímur J. Sigfússon, forseti Alþingis, var spurður að því í umræðunni hvort keyra ætti málið í gegn í dag en hann sagði það ekki standa til.

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt