Óðinn sigli aftur út á sundin árið 2020

Varðskipið Óðinn á leið í slipp í gærmorgun.
Varðskipið Óðinn á leið í slipp í gærmorgun. mbl.is/Eggert

„Það gekk brösuglega í fyrstu,“ segir Guðmundur Hallvarðsson, formaður Hollvinasamtaka Óðins, sem tekinn var í slipp í Reykjavíkurhöfn í gær. Það gekk ekki vandræðalaust, eins og Guðmundur segir frá. Allt fór þó vel að lokum.

Guðmundur segir að skipið hafi verið í sleðum við Sjóminjasafnið, sem fastir hafi verið við skipið báðum megin og eins að framan og aftan.

Guðmundur Hallvarðsson skoðar vélarnar í Óðni.
Guðmundur Hallvarðsson skoðar vélarnar í Óðni. mbl.is/Eggert

Gekk vonum framar

„Þegar við losuðum skipið þaðan þá kom í ljós ákveðin stjórnborðsslagsíða. Orsökin reyndist vera mismunandi ballest í sjótönkunum. Þegar þarna var komið við sögu var hins vegar búið að aftengja rafmagnsleiðslur sem lágu í skipið, og þess vegna þurfti að setja sex tonn af ballest bakborðsmegin, til þess að rétta skipið af,“ segir Guðmundur í samtali við 200 mílur.

„Annars gekk aðgerðin vonum framar, en þetta er í annað sinn sem skipið er tekið í slipp eftir að Hollvinasamtökunum var afhent skipið.“

Í slippnum verður botn skipsins hreinsaður og skipt um sink.
Í slippnum verður botn skipsins hreinsaður og skipt um sink. mbl.is/Eggert

Reyndist Landhelgisgæslunni vel

Í slippnum verður botn skipsins hreinsaður og skipt um sink, að sögn Guðmundar, en málmurinn kemur í veg fyrir tæringu af völdum strauma í sjónum við höfnina.

„Síðan á að opna inntök á ýmsum botnlokum, sem búið var að sjóða fyrir,“ segir Guðmundur, þar sem stefnt er að því árið 2020, þegar sextíu ár verða liðin frá því Óðinn kom til landsins, að skipið sigli út á sundin fyrir eigin vélarafli.

Óðinn var smíðaður í Álaborg í Danmörku árið 1959 og kom til landsins 27. janúar 1960, en hann átti þá eftir að reynast Landhelgisgæslunni vel í komandi þorskastríðum og fjölmörgum björgunaraðgerðum, ekki síst átta árum síðar þegar mannskaðaveður gerði á Ísafjarðardjúpi.

mbl.is
Afurð Dags. Meðalverð
Þorskur, óslægður 22.1.19 307,85 kr/kg
Þorskur, slægður 22.1.19 370,79 kr/kg
Ýsa, óslægð 22.1.19 310,87 kr/kg
Ýsa, slægð 22.1.19 273,66 kr/kg
Ufsi, óslægður 22.1.19 89,64 kr/kg
Ufsi, slægður 22.1.19 132,42 kr/kg
Djúpkarfi 22.1.19 199,00 kr/kg
Gullkarfi 22.1.19 233,05 kr/kg
Litli karfi 22.1.19 0,00 kr/kg
Blálanga, óslægð 22.1.19 223,47 kr/kg

Fleiri tegundir »

22.1.19 Blíðfari ÓF-070 Þorskfisknet
Þorskur 463 kg
Samtals 463 kg
22.1.19 Hafbjörg ST-077 Þorskfisknet
Þorskur 136 kg
Samtals 136 kg
22.1.19 Sæþór EA-101 Þorskfisknet
Þorskur 3.665 kg
Ýsa 102 kg
Karfi / Gullkarfi 56 kg
Hlýri 15 kg
Samtals 3.838 kg
22.1.19 Gullver NS-012 Botnvarpa
Ýsa 11.371 kg
Þorskur 7.189 kg
Samtals 18.560 kg
22.1.19 Ósk ÞH-054 Þorskfisknet
Þorskur 90 kg
Ufsi 9 kg
Samtals 99 kg

Skoða allar landanir »