Repja knýi allan flotann

Verðlaun. Frá vinstri: Þórólfur Árnason, forstjóri Samgöngustofu, Sandra Rán Ásgrímsdóttir …
Verðlaun. Frá vinstri: Þórólfur Árnason, forstjóri Samgöngustofu, Sandra Rán Ásgrímsdóttir Mannviti, Gunnar Ásgeirsson, stjórnarformaður Skinneyjar-Þinganess, Guðni Th. Jóhannesson, forseti Íslands, Jón Bernódusson Samgöngustofu og Ragna Sara Jónsdóttir, formaður dómnefndar.

Skinney-Þinganes fékk verðlaun á Umhverfisdegi atvinnulífsins í dag fyrir framtak ársins á sviði umhverfismála. Forseti Íslands, Guðni Th. Jóhannesson, afhenti verðlaunin og veitti Gunnar Ásgeirsson stjórnarformaður Skinneyjar-Þinganess þeim viðtöku.

Í rökstuðningi dómnefndar kemur fram að fyrirtækið hafi haft jákvæð áhrif á umhverfi sitt og sýnt frumkvæði með nýjum verkefnum til að draga úr losun gróðurhúsalofttegunda, til dæmis með rafvæðingu fiskimjölsverksmiðju Skinneyjar-Þinganess og með tilraun til að framleiða nýja orkugjafa á skip félagsins.

Skinney-Þinganes á og rekur eitt stærsta kúabú landsins í Flatey á Mýrum, nokkuð fyrir vestan Hornafjörð. Á ökrum þar er ræktuð repja sem er góð fyrir kýrnar, búið sjálft og útgerðina. Repjan nýtist á búinu en Skinney mun einnig nýta hana til að hefja framleiðslu á umhverfisvænni skipaolíu. Er framleiðsla á henni nú að hefjast.

„Repjan er mjög áhugavert verkefni. Við höfum nægt landrými í Flatey og þann möguleika að geta nýtt afurðir repjunnar ýmist sem orkugjafa fyrir skipin okkar eða fóður fyrir kýrnar,“ segir Hjalti Vignisson, framkvæmdastjóri sölumála hjá Skinney-Þinganesi.

Ásgrímur Halldórsson er annað tveggja uppsjávarskipa Skinneyjar-Þinganess.
Ásgrímur Halldórsson er annað tveggja uppsjávarskipa Skinneyjar-Þinganess. Mbl.is/Sigurður Bogi Sævarsson

Krafturinn á við olíu

Repjuverkefnið er unnið í samstarfi við Samgöngustofu og verkfræðistofuna Mannvit. Repjuolíu má nota sem íblöndunarefni á allar olíuvélar. Krafturinn er sá sami og úr jarðefnaolíu. Útblásturinn sem verður til við brennsluna er hins vegar hreinni og loftslagið græðir.

Á landsvísu hefur tekist hefur að draga verulega úr losun gróðurhúsalofttegunda sem rekja má til sjávarútvegs. Hefur notkun minnkað um 43% frá 1990 með fjárfestingu í nýjum skipum og tækni. Með því að nýta repjuolíu getur staðan orðið enn betri. Þeir bjartsýnustu telja að hægt væri að rækta næga repju á Íslandi til að framleiða olíu til að knýja allan fiskiskipaflotann.

Litfagur repjuakur.
Litfagur repjuakur. Morgunblaðið/Helgi Bjarnason

Fjósið gangi fyrir mykju

Stjórnarformaður Skinneyjar-Þinganess tók við verðlaununum ásamt Jóni Bernódussyni frá Samgöngustofu og Söndru Rán Ásgrímsdóttur frá Mannviti, en þau áttu frumkvæði að verkefninu.

„Það hefur verið sérstaklega gott samstarf á milli okkar, Samgöngustofu og Mannvits í þessu verkefni og eiga þau mikið hrós skilið fyrir sína aðkomu. Í raun og veru má segja að við höfum fengið að stökkva upp á vagninn þegar þau voru búin að koma honum á ferðina,“ sagði Gunnar sem nefndi enn fremur að til skoðunar væri í Flatey að framleiða þar rafmagn úr metani frá kúamykjunni.

Repjan er orkugjafi, segir Hjalti Þór Vignisson.
Repjan er orkugjafi, segir Hjalti Þór Vignisson. mbl.is/Sigurður Bogi
mbl.is

Bloggað um fréttina

Fleira áhugavert
Afurð Dags. Meðalverð
Þorskur, óslægður 18.3.24 559,44 kr/kg
Þorskur, slægður 18.3.24 503,99 kr/kg
Ýsa, óslægð 18.3.24 331,72 kr/kg
Ýsa, slægð 18.3.24 216,50 kr/kg
Ufsi, óslægður 18.3.24 220,69 kr/kg
Ufsi, slægður 18.3.24 222,80 kr/kg
Gullkarfi 18.3.24 233,55 kr/kg
Litli karfi 18.3.24 10,00 kr/kg
Blálanga, óslægð 11.3.24 50,00 kr/kg
Blálanga, slægð 18.3.24 194,27 kr/kg

Fleiri tegundir »

18.3.24 Sunnutindur SU 95 Línutrekt
Þorskur 10.868 kg
Ýsa 818 kg
Langa 137 kg
Keila 127 kg
Steinbítur 87 kg
Ufsi 4 kg
Samtals 12.041 kg
18.3.24 Straumey EA 50 Línutrekt
Þorskur 3.803 kg
Ýsa 146 kg
Steinbítur 54 kg
Samtals 4.003 kg
18.3.24 Ás NS 78 Grásleppunet
Grásleppa 2.198 kg
Þorskur 772 kg
Skarkoli 197 kg
Samtals 3.167 kg

Skoða allar landanir »

Fleira áhugavert
Afurð Dags. Meðalverð
Þorskur, óslægður 18.3.24 559,44 kr/kg
Þorskur, slægður 18.3.24 503,99 kr/kg
Ýsa, óslægð 18.3.24 331,72 kr/kg
Ýsa, slægð 18.3.24 216,50 kr/kg
Ufsi, óslægður 18.3.24 220,69 kr/kg
Ufsi, slægður 18.3.24 222,80 kr/kg
Gullkarfi 18.3.24 233,55 kr/kg
Litli karfi 18.3.24 10,00 kr/kg
Blálanga, óslægð 11.3.24 50,00 kr/kg
Blálanga, slægð 18.3.24 194,27 kr/kg

Fleiri tegundir »

18.3.24 Sunnutindur SU 95 Línutrekt
Þorskur 10.868 kg
Ýsa 818 kg
Langa 137 kg
Keila 127 kg
Steinbítur 87 kg
Ufsi 4 kg
Samtals 12.041 kg
18.3.24 Straumey EA 50 Línutrekt
Þorskur 3.803 kg
Ýsa 146 kg
Steinbítur 54 kg
Samtals 4.003 kg
18.3.24 Ás NS 78 Grásleppunet
Grásleppa 2.198 kg
Þorskur 772 kg
Skarkoli 197 kg
Samtals 3.167 kg

Skoða allar landanir »