Smíði nýju skipanna á áætlun

Þannig munu Vestmannaey og Bergey koma til með að líta ...
Þannig munu Vestmannaey og Bergey koma til með að líta út.

Smíði nýrrar Vestmannaeyjar og Bergeyjar fyrir útgerðarfélagið Berg-Hugin gengur samkvæmt áætlun. Gert er ráð fyrir að skipin verði afhent útgerðinni í maí og júní á næsta ári, að því er fram kemur á vef Síldarvinnslunnar, móðurfélags Bergs-Hugins.

Guðmundur Alfreðsson, viðhaldsstjóri Bergs-Hugins, er nýlega kominn frá Noregi þar sem hann fylgdist grannt með smíði skipanna, en norska skipasmíðastöðin Vard annast smíði þeirra ásamt því að smíða fimm aðra eins togara fyrir íslensk útgerðarfélög.

Guðmundur segir að smíði skipanna gangi samkvæmt áætlun. Skipin eru smíðuð í einingum og fer smíði eininganna fram í Salthammer í Tesfjord en síðan eru þær dregnar á pramma til skipasmíðastöðvarinnar í Aukra þar sem þær eru settar saman. Allri vinnu við gerð skipanna verður síðan lokið í Aukra.

Flóknust og tímafrekust

Guðmundur segir að nú sé verið að vinna í vélarrúmseiningu Vestmannaeyjar í Salthammer en smíði þeirrar einingar er flóknust og tímafrekust.

„Skipið er sett saman úr níu einingum og í næstu viku verður lokið við að smíða sjö þeirra í Salthammer. Þrjár þeirra eru komnar til Aukra og lokið við að setja þær saman. Fleiri einingar munu síðan koma til Aukra í næstu viku. Fyrir utan smíðina á Vestmannaey er byrjað að smíða einingar í Bergey. Þetta virðist allt ganga vel.“

mbl.is
Afurð Dags. Meðalverð
Þorskur, óslægður 16.11.18 286,26 kr/kg
Þorskur, slægður 16.11.18 327,96 kr/kg
Ýsa, óslægð 16.11.18 232,01 kr/kg
Ýsa, slægð 16.11.18 207,22 kr/kg
Ufsi, óslægður 16.11.18 39,87 kr/kg
Ufsi, slægður 16.11.18 164,36 kr/kg
Djúpkarfi 12.11.18 246,54 kr/kg
Gullkarfi 16.11.18 303,09 kr/kg
Litli karfi 24.10.18 17,00 kr/kg
Blálanga, óslægð 16.11.18 269,00 kr/kg

Fleiri tegundir »

17.11.18 Guðmundur Einarsson ÍS-155 Landbeitt lína
Þorskur 340 kg
Ýsa 113 kg
Skarkoli 32 kg
Steinbítur 11 kg
Karfi / Gullkarfi 1 kg
Samtals 497 kg
17.11.18 Þorlákur ÍS-015 Dragnót
Skarkoli 1.176 kg
Ufsi 14 kg
Þykkvalúra / Sólkoli 2 kg
Samtals 1.192 kg
17.11.18 Einar Hálfdáns ÍS-011 Landbeitt lína
Þorskur 3.462 kg
Ýsa 1.220 kg
Skarkoli 55 kg
Langa 8 kg
Hlýri 7 kg
Steinbítur 2 kg
Samtals 4.754 kg

Skoða allar landanir »