Þorbjörn kaupir Sisimiut

Sisimut við bryggju í Nuuk. Togarinn kemur til Íslands með ...
Sisimut við bryggju í Nuuk. Togarinn kemur til Íslands með vorinu. Ljósm/Eiríkur Óli Dagbjartsson

„Það er spennandi að fá þetta skip í flotann okkar,“ segir Eiríkur Óli Dagbjartsson útgerðarstjóri hjá Þorbirninum hf. í Grindavík. Á mánudag var undirritaður kaupsamningur um kaup útgerðarinnar á frystitogaranum Sisimiut sem er í eigu Royal Greenland í Grænlandi. Skipið var smíðað í Noregi 1992 fyrir Skagstrending hf. á Skagaströnd og hét þá Arnar HU 1 og selt til Grænlands 1996.

Eiríkur Óli segir skipið vera í sérstaklega góðu standi og nánast eins og nýtt. Umgengnin hafi verið til stakrar fyrirmyndar.

„Við fréttum nú í sumar að þetta skip væri til sölu og það vakti strax áhuga okkar. Það hentar líka vel fyrir útgerð Þorbjarnarins og áherslur okkar. Sisimiut er til dæmis með öfluga vinnslulínu; þrjá hausara og jafn margar flökunarvélar sem má stilla samkvæmt stærð hráefnis hverju sinni. Það er greinilegt að þegar Skagstrendingarnir létu hanna og smíða skipið á sínum tíma hefur verið vandað til verka, og margt gott hefur bæst við síðan,“ segir Eiríkur Óli.

Sisimiut er 67 metra langur og 14 metra breiður. Skipið verður afhent Þorbirni hf. næsta vor eða snemmsumars. Það verður gert út á sama hátt og frystitogarar fyrirtækisins sem fyrir eru; það er Hrafn Sveinbjarnarson GK 255 og Gnúpur GK 11. Einnig gerir fyrirtækið út línubátana Sturlu, Hrafn og Valdimar.

Ekki hefur verið ákveðið hvaða nafn Sisimiut fær í eigu Þorbjarnarins, eða hvort gerðar verði einhverjar frekari breytingar á skipastól útgerðarinnar.

mbl.is
Afurð Dags. Meðalverð
Þorskur, óslægður 20.1.19 283,82 kr/kg
Þorskur, slægður 20.1.19 334,96 kr/kg
Ýsa, óslægð 20.1.19 290,32 kr/kg
Ýsa, slægð 20.1.19 254,05 kr/kg
Ufsi, óslægður 20.1.19 101,80 kr/kg
Ufsi, slægður 20.1.19 137,91 kr/kg
Djúpkarfi 16.1.19 253,00 kr/kg
Gullkarfi 20.1.19 178,91 kr/kg
Litli karfi 24.10.18 17,00 kr/kg
Blálanga, óslægð 20.1.19 210,00 kr/kg

Fleiri tegundir »

20.1.19 Indriði Kristins BA-751 Lína
Langa 689 kg
Steinbítur 41 kg
Ufsi 30 kg
Hlýri 14 kg
Karfi / Gullkarfi 10 kg
Samtals 784 kg
20.1.19 Þorleifur EA-088 Þorskfisknet
Ufsi 4.031 kg
Þorskur 3.939 kg
Karfi / Gullkarfi 550 kg
Ýsa 95 kg
Samtals 8.615 kg
20.1.19 Sandfell SU-075 Lína
Þorskur 1.002 kg
Ýsa 722 kg
Steinbítur 263 kg
Keila 61 kg
Karfi / Gullkarfi 12 kg
Grálúða / Svarta spraka 4 kg
Samtals 2.064 kg

Skoða allar landanir »