Ákveðið hefur verið að endurskipuleggja starfsemi HB Granda á Vopnafirði á milli vertíða, þar sem rekstur bolfiskvinnslu á staðnum hefur ekki gengið sem skyldi.

Þetta kemur fram í tilkynningu sem HB Grandi hefur sent Morgunblaðinu og 200 mílum, vegna fréttaflutnings af uppsögnum starfsmanna útgerðarinnar.

Í tilkynningunni segir að HB Grandi hafi í mörg ár rekið öfluga uppsjávarvinnslu á Vopnafirði, þar sem unnið sé á vöktum allan sólarhringinn á meðan vertíð standi. Fastráðnir starfsmenn uppsjávarfrystihúsins á Vopnafirði séu eftir uppsagnir 60 talsins, og hafi verið 60-65 í gegnum árin.

Frétt af mbl.is

Fleiri uppsagnir hjá HB Granda

Áfram stefnt að því hafa starfsemi á milli vertíða

„Tíminn á milli vertíða hefur verið nýttur í ýmiss konar verkefni. Árið 2016 var tekin ákvörðun um að byggja upp bolfiskvinnslu á Vopnafirði til að starfrækja á milli vertíða og hófst vinnsla í henni eftir sjómannaverkfallið í mars 2017. Rekstur bolfiskvinnslu hefur almennt ekki gengið sem skyldi og hefur því verið ákveðið að endurskipuleggja starfsemi á Vopnafirði á milli vertíða.“

Tekið er fram að engin áform séu um að draga úr starfsemi HB Granda á Vopnafirði. Þar sé í dag rekið öflugt uppsjávarfrystihús og fiskimjölsverksmiðja.

„Áfram er stefnt að því að hafa starfsemi á Vopnafirði á milli vertíða en verið er að skoða hvernig best er að haga því, en engin ákvörðun liggur fyrir í þeim efnum.“

Tengdar fréttir

Samdráttur í sjávarútvegi

Hagræðing í skipastól Síldarvinnslunnar

• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi
• Gagnrýni LS á starfsháttum Hafró vísað á bug

» Fleiri tengdar fréttir

• Blogga um frétt