Ásakanir Heiðveigar Maríu Einarsdóttur gagnvart stjórn Sjómannafélags Íslands voru einar og sér ekki ástæða þess að viðræðum um sameiningu var frestað. Þetta segir stjórn Sjómannafélagsins Jötuns í Vestmannaeyjum, en félagið var eitt þeirra sem slitu sameiningarviðræðum við SÍ í októbermánuði.

Lestu meira

Heiðveig hafi valdið viðræðuslitum

Jónas Garðarsson, formaður Sjómannafélags Íslands, sagði í samtali við 200 mílur fyrr í vikunni að ásakanir Heiðveigar hefðu valdið því að upp úr viðræðunum slitnaði. Þannig hefði hún unnið á alvarlegan hátt gegn hagsmunum félagsins.

Í tilkynningu frá Jötni segir að aðalfundur félagsins, sem haldinn var í gær, vilji koma á framfæri alvarlegum athugasemdum um þann gjörning sem trúnaðarmannaráð Sjómannafélags Íslands hafi upplýst í vikunni, en vísað er til brottvikningar Heiðveigar úr félaginu.

„Aðför að lýðræðislegri tjáningu“

Segir enn fremur að gagnrýni á stjórnunarháttum yfirstjórnar stéttarfélags sé ekki brottrekstrarsök.

„Sjómannafélagið Jötunn fagnar áhuga, gagnrýni og þátttöku félagsmanna og er aðför að lýðræðislegri tjáningu alvarlegur misbrestur stéttarfélags sem verður að leiðrétta strax.“

Þá vilji stjórn Jötuns koma á framfæri að ásakanir einar og sér séu ekki nægjanleg ástæða fyrir frestun viðræðna heldur komi fleiri ástæður þar til. Deilur innan Sjómannafélags Íslands séu þeim óviðkomandi og séu eingöngu milli aðila í Sjómannafélagi Íslands.

Tengdar fréttir

Kjaramál sjómanna

SVG og VM samþykktu samninginn

• Segir samninganefnd vélstjóra sniðgengna
• Felur í sér styttri vinnuviku og aukið mótframlag
• Vélstjórar undirrituðu samning við SFS
• „Ekki kjörstaða að vera í“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Æskilegt fordæmi og þróun í félagsmálum?