Klúbbur matreiðslumeistara, sem heldur utan um verkefni kokkalandsliðsins, harmar að Arnarlax hafi orðið fyrir ósanngjarnri gagnrýni í kjölfar þess að klúbburinn rifti samstarfssamningi þeirra á milli.

Frétt af mbl.is

Rifta samningi við Arnarlax

Í tilkynningu frá klúbbnum segir að náðst hafi sættir við Arnarlax í málinu. Klúbburinn hafi haldið félagsfund á dögunum þar sem atburðarásin hafi verið rædd, og vilji fundarmanna verið sá að sættir næðust við Arnarlax. Báðir aðilar gangi nú sáttir frá borði.

Klúbbur matreiðslumeistara er sagður harma að Arnarlax hafi orðið fyrir ósanngjarnri gagnrýni vegna málsins. Eldislax sé notaður alls staðar um allan heim og sé fyrsta flokks vara, og sem dæmi sé sambærileg vara notuð á heimsmeistaramótinu í matreiðslu í Lúxemborg og víðar.

Frétt af mbl.is

Arnarlax auglýsir svuntur til sölu

Þá tekur klúbburinn það fram að fullyrðingar hans um að greiðslur frá Arnarlaxi hafi ekki borist á réttum tíma hafi verið á misskilningi byggðar og er Arnarlax beðinn velvirðingar á þeim óþægindum sem þær kunni að hafa valdið.

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt