Útgerðarfélag Reykjavíkur hefur keypt þriðjungshlut í einkahlutafélaginu Solo Holding. Þetta kemur fram í tilkynningu frá Solo Holding, en aðrir eigendur þess eru FISK-Seafood, Jakob Valgeir, Nesfiskur og Sjávarsýn.

Þeir hluthafar eiga hver um sig 16,67% hlut í félaginu auk þess að vera með beinum hætti hluthafar í Iceland Seafood International, en Solo Holding sjálft á samtals 9% eignarhlut í ISI, sem skráð er á Nasdaq First North markaðinn.

Aðaleigandi Útgerðarfélags Reykjavíkur er Guðmundur Kristjánsson, forstjóri HB Granda.

Bjarni Ármannsson, stjórnarformaður Solo Holding, segir það ánægjulegt að fá Útgerðarfélag Reykjavíkur í hóp eigenda félagsins, og þar með einnig ISI.

„Hópurinn sem stendur að baki Solo Holding býr yfir mikilli þekkingu á framleiðslu og verðmætasköpun í íslenskum sjávarútvegi. Með þessum viðskiptum styrkjum við bakland Iceland Seafood International en markmið ISI er að stækka virðiskeðju sjávarfangs og efla enn frekar sókn á erlendum mörkuðum.“

Tengdar fréttir

FISK Seafood

Kaupa 100 tonna kvóta af Saltveri

• 300 milljóna króna afla landað á Sauðárkróki
• Ný ytri höfn forsenda uppbyggingar
• Hafa landað 485 tonnum á Sauðárkróki
• Gott veður og ágætis veiði hjá Málmey

» Fleiri tengdar fréttir

• Blogga um frétt