„Ólíðandi“ að vera haldið utan samninga

Guðmundur Helgi Þórarinsson er formaður VM.
Guðmundur Helgi Þórarinsson er formaður VM.

VM, félag vélstjóra og málmtæknimanna, hefur sent frá sér tilkynningu vegna fréttar sem birtist í gær um úrskurð úrskurðarnefndar um fiskverð vegna verðs á uppsjávarskipum Ísfélagsins í Vestmannaeyjum.

„Í fréttinni [sem var birt í Fréttablaðinu] er réttilega sagt frá því að VM hafi raskað því fyrirkomulagi sem unnið hefur verið eftir. Það er skoðun VM að félagið reyni ávallt að styðja sína félagsmenn þegar ágreiningur kemur upp á milli launafólks og atvinnurekanda, enda er það hlutverk stéttarfélaga,“ segir í tilkynningunni.

„Það er ólíðandi að stéttarfélögum skuli vera haldið utan samninga eins og þeim sem fjallað er um í þessari frétt. Það sjá það allir sem vilja að leikurinn er ójafn þegar útgerðamenn hafa allar forsendur en sjómenn litlar sem engar til þess að semja um verð.“

Fram kemur að VM sé stolt af þeirri vegferð sem félagið fór í með félagsmönnum sínum í málinu. Það mun áfram hjálpa félagsmönnum sínum og leita allra leiða til þess.

„Það er rangt sem kom fram í fréttinni að slegið hafi verið á putta félagsins þó að vissulega hafi það verið reynt. Allt sem félagið gerði var innan ramma laganna og er það viðurkennt í úrskurðinum. Þó að VM hafi leitt þetta mál, þá var stuðningur annarra sjómannafélaga ómetanlegur og gott var að finna þá samstöðu sem náðist í þessu máli á meðal hagsmunasamtaka sjómanna.“

Þar er einnig minnst á að í fréttinni sé rætt við Stefán B. Friðriksson framkvæmdastjóra Ísfélagsins í Vestmannaeyjum sem gagnrýni að stéttarfélögin standi á bakvið sína félagsmenn en Stefán er einnig varamaður í úrskurðarnefnd um fiskverð fyrir SFS. „Velta má fyrir sér hvort það séu ekki óheppileg tengsl að framkvæmdastjóri eins fyrirtækis hafa þannig aðgang að fiskverðum hjá öllum samkeppnisaðilum sínum,“ segir í tilkynningunni.

mbl.is
Afurð Dags. Meðalverð
Þorskur, óslægður 20.1.19 283,82 kr/kg
Þorskur, slægður 20.1.19 334,96 kr/kg
Ýsa, óslægð 20.1.19 290,32 kr/kg
Ýsa, slægð 20.1.19 254,05 kr/kg
Ufsi, óslægður 20.1.19 101,80 kr/kg
Ufsi, slægður 20.1.19 137,91 kr/kg
Djúpkarfi 16.1.19 253,00 kr/kg
Gullkarfi 20.1.19 178,91 kr/kg
Litli karfi 24.10.18 17,00 kr/kg
Blálanga, óslægð 20.1.19 210,00 kr/kg

Fleiri tegundir »

20.1.19 Indriði Kristins BA-751 Lína
Langa 689 kg
Steinbítur 41 kg
Ufsi 30 kg
Hlýri 14 kg
Karfi / Gullkarfi 10 kg
Samtals 784 kg
20.1.19 Þorleifur EA-088 Þorskfisknet
Ufsi 4.031 kg
Þorskur 3.939 kg
Karfi / Gullkarfi 550 kg
Ýsa 95 kg
Samtals 8.615 kg
20.1.19 Sandfell SU-075 Lína
Þorskur 1.002 kg
Ýsa 722 kg
Steinbítur 263 kg
Keila 61 kg
Karfi / Gullkarfi 12 kg
Grálúða / Svarta spraka 4 kg
Samtals 2.064 kg

Skoða allar landanir »