Hætta sé á óafturkræfu tjóni

Aflanum landað í Grindavík.
Aflanum landað í Grindavík. mbl.is/Sigurður Bogi

Með óbreyttu ástandi er hætt við að óafturkræft tjón verði fyrir fjölda samfélaga hringinn í kringum landið, en margir eru uggandi yfir þeirri þróun sem átt hefur sér stað undanfarin ár, þar sem útgerðir hafa verið nauðbeygðar til að draga seglin saman vegna hárra veiðigjalda.

Þetta kemur fram í umsögn bæjarstjórnar Grindavíkur við nýtt frumvarp til laga um veiðigjöld.

Í umsögninni, sem send hefur verið atvinnuveganefnd Alþingis, segir að sjávarútvegur sé undirstöðuatvinnuvegur í Grindavík. Því sé fjöldi fjölskyldna og fyrirtækja sem leggi allt sitt traust á að rekstur útgerðafyrirtækja sé stöðugur.

Heilu bæjarfélögin búi við óvissu

„Á síðastliðnu kvótaári greiddu félög í Grindavík yfir 1,1 milljarð króna í veiðigjöld. Það liggur fyrir að þessir fjármunir verða þá ekki nýttir í rekstri þeirra, sem annars hefðu verið þeim og bæjarfélaginu til hagsbóta,“ segir í umsögninni.

„Með hóflegu veiðigjaldi myndi skapast grundvöllur til uppbyggingar og endurnýjunar á búnaði og skipaflota Grindavíkur, sem við teljum sérstaklega mikilvægt, til dœmis með tilliti til aðbúnaðar og öryggis sjómanna.“

Fullyrt er að mikilvægt sé að Alþingi merki alvarleika málsins og bregðist við á trúverðugan hátt, til að draga úr þeirri óvissu sem heilu bæjarfélögin búi við, eins og það hafi jafnan gert fyrir aðrar atvinnugreinar.

mbl.is
Afurð Dags. Meðalverð
Þorskur, óslægður 16.1.19 322,77 kr/kg
Þorskur, slægður 16.1.19 404,07 kr/kg
Ýsa, óslægð 16.1.19 310,91 kr/kg
Ýsa, slægð 16.1.19 291,94 kr/kg
Ufsi, óslægður 16.1.19 102,98 kr/kg
Ufsi, slægður 16.1.19 136,07 kr/kg
Djúpkarfi 16.1.19 253,00 kr/kg
Gullkarfi 16.1.19 320,89 kr/kg
Litli karfi 24.10.18 17,00 kr/kg
Blálanga, óslægð 15.1.19 100,00 kr/kg

Fleiri tegundir »

17.1.19 Hrefna ÍS-267 Landbeitt lína
Ýsa 4.255 kg
Þorskur 2.741 kg
Steinbítur 1.404 kg
Skarkoli 5 kg
Karfi / Gullkarfi 5 kg
Samtals 8.410 kg
16.1.19 Afi ÍS-089 Landbeitt lína
Þorskur 1.485 kg
Ýsa 1.161 kg
Steinbítur 300 kg
Langa 10 kg
Karfi / Gullkarfi 5 kg
Skarkoli 4 kg
Samtals 2.965 kg
16.1.19 Fríða Dagmar ÍS-103 Lína
Ýsa 314 kg
Langa 236 kg
Steinbítur 92 kg
Þorskur 70 kg
Hlýri 46 kg
Ufsi 15 kg
Karfi / Gullkarfi 8 kg
Samtals 781 kg

Skoða allar landanir »