Kampi fjárfestir í búnaði Skagans 3X

Starfstöðvar Kampa á Ísafirði.
Starfstöðvar Kampa á Ísafirði. Ljósmynd/BB.is

Rækjuverksmiðjan Kampi ehf. á Ísafirði hefur skrifað undir samning um kaup á karakerfi frá Skaganum 3X. „Reksturinn hjá Kampa ehf. hefur gengið vel undanfarna mánuði og góður stígandi hefur verið í vinnslunni,“ er haft eftir Alberti Haraldssyni, rekstrarstjóra Kampa, í tilkynningu frá Skaganum 3X.

„Það var því kjörið tækifæri að fara út í fjárfestingar á búnaði í rækjuverksmiðjunni,“ segir Albert. Verið sé að auka afköst og sjálfvirkni hjá fyrirtækinu og kaup á góðu karakerfi frá Skaganum 3X séu liður í því ferli.

Ávinningur kerfisins er sagður mikill, þar sem það auki afköst og sjálfvirkni verksmiðjunnar. Notkun lyftara minnki til muna auk þess sem meðhöndlun á hráefni og körum verði betri.

Rækjuverksmiðjum fækkað á Íslandi

Bent er á að rækjuverksmiðjum hérlendis hafi fækkað á undanförnum árum og að nú séu aðeins fjórar rækjuverksmiðjur í fullum rekstri.

„Það er mikil breyting frá því sem áður var þegar rækjuveiði og rækjuvinnsla var mun stærri þáttur í sjávarútveginum á Íslandi. Það er því virkilega ánægjulegt að Kampi ehf. skuli fara í fjárfestingu sem þessa sem eykur öryggi og sjálfvirkni í vinnslunni til muna,“ segir í tilkynningu Skagans 3X.

„Fyrirtæki í sjávarútvegi hérlendis eru ávallt að leita leiða til þess að ná fram meiri afköstum, auka sjálfvirkni og bæta meðhöndlun afurða,“ segir Freysteinn Nonni Mánason, svæðissölustjóri hjá Skaganum 3X, og bætir við að þar sé fyrirtækið í fremsta flokki.

Áætlað er að byrjað verði að nota búnaðinn að fullu í febrúar á næsta ári.

mbl.is
Afurð Dags. Meðalverð
Þorskur, óslægður 24.4.19 287,53 kr/kg
Þorskur, slægður 24.4.19 374,15 kr/kg
Ýsa, óslægð 24.4.19 224,28 kr/kg
Ýsa, slægð 24.4.19 242,24 kr/kg
Ufsi, óslægður 24.4.19 95,02 kr/kg
Ufsi, slægður 24.4.19 137,26 kr/kg
Djúpkarfi 9.4.19 224,97 kr/kg
Gullkarfi 24.4.19 244,84 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

24.4.19 Vigur SF-080 Lína
Steinbítur 461 kg
Ýsa 454 kg
Þorskur 67 kg
Ufsi 2 kg
Skötuselur 2 kg
Skarkoli 1 kg
Karfi / Gullkarfi 1 kg
Hlýri 1 kg
Samtals 989 kg
24.4.19 Hróðgeir Hvíti NS-089 Grásleppunet
Grásleppa 198 kg
Samtals 198 kg
24.4.19 Litlanes ÞH-003 Línutrekt
Ýsa 434 kg
Steinbítur 107 kg
Hlýri 48 kg
Þorskur 47 kg
Karfi / Gullkarfi 11 kg
Samtals 647 kg

Skoða allar landanir »