Valka með samning upp á 1,3 milljarða

Höfnin í Múrmansk. Fyrirtækið Valka hefur samið við Murman Seafood ...
Höfnin í Múrmansk. Fyrirtækið Valka hefur samið við Murman Seafood um hönnun og uppsetningu á nýrri hátæknifiskvinnslu í borginni Kola í Múrmansk í Rússlandi. Ljósmynd/Aðsend

Fyrirtækið Valka hefur samið við Murman Seafood um hönnun og uppsetningu á nýrri hátæknifiskvinnslu í borginni Kola í Múrmansk í Rússlandi. Er fiskvinnslan sú fyrsta sinnar tegundar í landinu og verður tæknilegasta bolfiskvinnslan í Rússlandi að uppsetningu lokinni, að því er fram kemur í tilkynningu frá Völku. 

Valka mun hafa yfirumsjón með verkefninu, en fleiri tækjaframleiðendur koma þó að uppsetningu vinnslunnar, og hljóðar heildarsamningurinn upp á 1,3 milljarða króna.

„Það hefur verið mjög ánægjulegt að vinna að undirbúningi að þessu metnaðarfulla verkefni með Murman Seafood. Þetta er fyrsta verkefni þessarar tegundar hjá Völku og stefnum við að því að þróa starfsemi okkar enn frekar í þessa átt,“ er haft eftir Helga Hjálmarssyni, framkvæmdastjóra Völku.

Vinnsluhúsið verður byggt frá grunni og verður búið nýjustu tækni ...
Vinnsluhúsið verður byggt frá grunni og verður búið nýjustu tækni og tækjum, en þeirra á meðal eru sjálfvirkar beina- og bitaskurðvélar frá Völku. Ljósmynd/Aðsend

Murman Seafood gerir út sex frystitogara og er meðal þeirra fyrirtækja sem fékk úthlutað viðbótarkvóta hjá rússneskum yfirvöldum gegn því að fjárfesta í landvinnslu. Vinnsluhúsið verður  byggt frá grunni og verður búið nýjustu tækni og tækjum, en þeirra á meðal eru sjálfvirkar beina- og bitaskurðavélar frá Völku. Mun nýja vinnslukerfið gera fyrirtækinu kleift að hámarka verðmæti þeirra 50 tonna af hráefni sem áætlað er að vinna í nýju vinnslunni á degi hverjum, en fram að þessu hefur hráefnið að mestu leyti verið selt heilfryst.

Verkefnið hefur verið í undirbúningi í rúmlega eitt ár og er gangsetning áætluð síðla sumars 2019.

mbl.is
Afurð Dags. Meðalverð
Þorskur, óslægður 23.4.19 306,91 kr/kg
Þorskur, slægður 23.4.19 320,28 kr/kg
Ýsa, óslægð 23.4.19 259,15 kr/kg
Ýsa, slægð 23.4.19 215,51 kr/kg
Ufsi, óslægður 23.4.19 93,39 kr/kg
Ufsi, slægður 23.4.19 127,73 kr/kg
Djúpkarfi 9.4.19 224,97 kr/kg
Gullkarfi 23.4.19 137,87 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

23.4.19 Guðmundur Á Hópi HU-203 Lína
Ýsa 2.867 kg
Þorskur 1.179 kg
Steinbítur 234 kg
Hlýri 63 kg
Karfi / Gullkarfi 15 kg
Samtals 4.358 kg
23.4.19 Siggi Afi HU-122 Grásleppunet
Grásleppa 875 kg
Samtals 875 kg
23.4.19 Alli GK-037 Línutrekt
Steinbítur 219 kg
Þorskur 155 kg
Samtals 374 kg
23.4.19 Kaldi SK-121 Grásleppunet
Grásleppa 1.686 kg
Samtals 1.686 kg

Skoða allar landanir »