Fordæmir vinnubrögð Sjómannafélagsins

Jónas Garðarsson, formaður Sjómannafélags Íslands, og Heiðveig María Einarsdóttir formannsframbjóðandi ...
Jónas Garðarsson, formaður Sjómannafélags Íslands, og Heiðveig María Einarsdóttir formannsframbjóðandi hafa deilt um vinnubrögð stjórnar félagsins.

Stéttarfélagið Framsýn fordæmir „ólýðræðisleg vinnubrögð“ trúnaðarráðs Sjómannafélags Íslands, vegna brottreksturs Heiðveigar Maríu Einarsdóttur sem boðið hefur sig fram til formanns í félaginu.

Þetta kemur fram í yfirlýsingu sem félagið hefur sent frá sér. Segir í henni að mikilvægt sé að félagsmenn Sjómannafélagsins bregðist við þessari „forkastanlegu“ samþykkt trúnaðarráðs félagsins, og mótmæli henni harðlega.

„Vinnubrögð sem þessi eru ekki boðleg og eiga ekki að líðast í lýðræðislegum stéttarfélögum.“

Bent er á að stéttarfélög starfi samkvæmt lögum nr. 80/1938 og eigi að vera opin öllum þeim sem starfi á því starfssvæði sem kjarasamningar viðkomandi stéttarfélags ná yfir.

Ólögmætar hömlur á frelsi og réttindi félagsmanna

Félagsaðildinni fylgi mikilvæg réttindi sem séu hluti af velferð launafólks á vinnumarkaði og tryggi vernd félagsmanna í samskiptum þeirra við atvinnurekendur.

„Stéttarfélagi er ekki undir neinum kringumstæðum heimilt að reka félagsmann úr félaginu og svipta hann þar með þessum réttindum.“

Þá er vikið að reglu sem sett hefur verið í lög félagsins, um að greiða þurfi félagsgjöld í þrjú ár til að geta verið kjörgengur til trúnaðarstarfa innan þess.

„Krafa um greiðslu félagsgjalda í þrjú ár til þess að öðlast kjörgengi innan félagsins felur augljóslega í sér ólögmætar hömlur á frelsi og réttindi félagsmanna og slíkt þekkist ekki innan íslenskrar verkalýðshreyfingar,“ segir í yfirlýsingunni.

Gagnrýni merki um lýðræðislega þátttöku

Alvarleg brot félagsmanns stéttarfélags gegn eigin félagi, til dæmis ef hann vinni með atvinnurekendum gegn hagsmunum þess, geti í alvarlegustu undantekningartilvikum leitt til þess að hömlur verði settar á atkvæðisrétt og kjörgengi.

„Skoðanaágreiningur og gagnrýni á störf félagsins eru ekki slík brot heldur skýrt merki um lýðræðislega þátttöku í starfsemi félagsins. 

Framsýn stéttarfélag skorar því á forystu Sjómannafélags Íslands að virða lög og reglur sem gilda almennt um starfsemi stéttarfélaga og kjörgengi félagsmanna á vegum verkalýðshreyfingarinnar og afturkalla ákvörðun sína um brottrekstur Heiðveigar Maríu Einarsdóttur úr félaginu.“

mbl.is
Afurð Dags. Meðalverð
Þorskur, óslægður 24.4.19 287,53 kr/kg
Þorskur, slægður 24.4.19 360,67 kr/kg
Ýsa, óslægð 24.4.19 224,28 kr/kg
Ýsa, slægð 24.4.19 242,24 kr/kg
Ufsi, óslægður 24.4.19 95,02 kr/kg
Ufsi, slægður 24.4.19 137,23 kr/kg
Djúpkarfi 9.4.19 224,97 kr/kg
Gullkarfi 24.4.19 244,84 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

24.4.19 Vigur SF-080 Lína
Steinbítur 461 kg
Ýsa 454 kg
Þorskur 67 kg
Ufsi 2 kg
Skötuselur 2 kg
Skarkoli 1 kg
Karfi / Gullkarfi 1 kg
Hlýri 1 kg
Samtals 989 kg
24.4.19 Hróðgeir Hvíti NS-089 Grásleppunet
Grásleppa 198 kg
Samtals 198 kg
24.4.19 Litlanes ÞH-003 Línutrekt
Ýsa 434 kg
Steinbítur 107 kg
Hlýri 48 kg
Þorskur 47 kg
Karfi / Gullkarfi 11 kg
Samtals 647 kg

Skoða allar landanir »