„Erfitt að kveðja skip eins og Vilhelm“

Vilhelm Þorsteinsson að veiðum. Mynd úr safni.
Vilhelm Þorsteinsson að veiðum. Mynd úr safni. mbl.is/Þorgeir Baldursson

Landað var úr Vilhelm Þorsteinssyni EA 570 í Neskaupstað í vikunni og var það síðasta löndun skipsins í íslenskri höfn undir merkjum Samherja. Skipið hefur verið selt til Rússlands, en kom nýtt til landsins árið 2000.

Á heimasíðu Síldarvinnslunnar í Neskaupstað kemur fram að búið er að fiska um 968 þúsund tonn á Vilhelm og landanir eru um 820 talsins. Meðalafli skipsins á ári er 53 þúsund tonn og verðmæti heildaraflans á núvirði gæti verið um 60 milljarðar króna, samkvæmt upplýsingum frá Guðmundi Jónssyni skipstjóra. Alls hefur skipið fiskað 110 þúsund tonn af íslenskri sumargotssíld, 220 þúsund tonn af norsk-íslenskri síld, 100 þúsund tonn af makríl, 323 þúsund tonn af loðnu, 210 þúsund tonn af kolmunna og um fjögur þúsund tonn af öðrum tegundum.

Nýr Vilhelm árið 2020

„Það er erfitt að kveðja skip eins og Vilhelm. Þetta er í einu orði sagt frábært skip sem hefur reynst bæði útgerð og áhöfn afar vel. En það kemur nýr Vilhelm árið 2020 og það verður glæsilegt skip. Það verður hins vegar ekki vinnsluskip þannig að breytingin verður mikil. Það hefur aflast ótrúlega vel á skipið frá upphafi. Útgerðin hefur svo sannarlega staðið sig hvað varðar útvegun á kvóta og áhöfnin hefur alla tíð verið frábær. Ég held að fimm eða sex úr áhöfninni hafi verið á skipinu frá upphafi,“ segir Guðmundur í samtali á vef Síldarvinnslunnar.

Fyrstu skipstjórar á Vilhelm Þorsteinssyni voru Arngrímur Brynjólfsson og Sturla Einarsson. Guðmundur tók við af Sturlu 2001 og hefur verið á skipinu síðan að undanskildum tæplega tveimur árum þegar hann var á Baldvin Þorsteinssyni EA. Birkir Hreinsson tók síðan við af Arngrími árið 2006.

mbl.is
Afurð Dags. Meðalverð
Þorskur, óslægður 17.4.19 355,41 kr/kg
Þorskur, slægður 17.4.19 380,86 kr/kg
Ýsa, óslægð 17.4.19 354,23 kr/kg
Ýsa, slægð 17.4.19 291,79 kr/kg
Ufsi, óslægður 17.4.19 91,66 kr/kg
Ufsi, slægður 17.4.19 125,76 kr/kg
Djúpkarfi 9.4.19 224,97 kr/kg
Gullkarfi 17.4.19 208,01 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

23.4.19 Kaldbakur EA-001 Botnvarpa
Ufsi 26.083 kg
Þorskur 6.359 kg
Karfi / Gullkarfi 883 kg
Samtals 33.325 kg
22.4.19 Kristrún RE-177 Grálúðunet
Grálúða / Svarta spraka 121.752 kg
Samtals 121.752 kg
22.4.19 Hólmar SH-355 Handfæri
Þorskur 2.103 kg
Samtals 2.103 kg
22.4.19 Ásdís ÍS-002 Dragnót
Steinbítur 760 kg
Þorskur 408 kg
Ýsa 92 kg
Þykkvalúra / Sólkoli 27 kg
Grásleppa 6 kg
Lúða 3 kg
Samtals 1.296 kg

Skoða allar landanir »