Lítið virðist vanta á leyfi til að flytja út eldislax til Kína

Víkingur Gunnarsson og Sigurður Pétursson kynntu íslenskan lax á stórri ...
Víkingur Gunnarsson og Sigurður Pétursson kynntu íslenskan lax á stórri sjávarútvegssýningu í Kína í mánuðinum. Þá vantaði þó fisk til að sýna.

Lítið virðist vanta á leyfi til að flytja íslenskar eldisafurðir á Kínamarkað. Fulltrúar laxeldisfyrirtækjanna Arnarlax og Arctic Fish og íslenski sendiherrann áttu nýlega fund með kínverska landbúnaðarráðherranum til að ýta á eftir því að fríverslunarsamningur ríkjanna yrði virkur fyrir eldisafurðir.

Sendiherrann hefur fylgt málinu eftir og nú stendur til að Guðlaugur Þór Þórðarson utanríkisráðherra fari til Kína eftir áramót til að ganga frá skilyrðum innflutningsins, að því er fram kemur í umfjöllun um mál þetta í Morgunblaðinu í dag.

Sendinefnd frá Kína kom til Íslands á síðasta ári til að taka út afurðir og pökkunarstöðvar fyrir lax og einnig eftirlitið hjá Matvælastofnun. Sigurður Pétursson, framkvæmdastjóri hjá Arctic Fish, segir að framleiðslan hafi fengið jákvæða umsögn en ekki hafi enn tekist að klára málið.

Sigurður og Víkingur Gunnarsson, framkvæmdastjóri hjá Arnarlaxi, fóru á stóra sjávarútvegssýningu í Kína í byrjun mánaðarins. Notuðu þeir ferðina til að ýta á leyfismálin. Þegar útflutningur hefst frá Íslandi verður hann án tolla. Sigurður segir að gott verð fáist fyrir eldisafurðir í Kína, ekki síðra en þekkist á öðrum mörkuðum. Ekki á Sigurður von á því að innflutningur verði takmarkaður, þegar til hans kemur, eins og til dæmis innflutningur á sauðfjárafurðum til Kína.

Afurð Dags. Meðalverð
Þorskur, óslægður 14.12.18 264,49 kr/kg
Þorskur, slægður 14.12.18 336,44 kr/kg
Ýsa, óslægð 14.12.18 229,02 kr/kg
Ýsa, slægð 14.12.18 223,03 kr/kg
Ufsi, óslægður 14.12.18 71,97 kr/kg
Ufsi, slægður 14.12.18 95,86 kr/kg
Djúpkarfi 6.12.18 307,00 kr/kg
Gullkarfi 14.12.18 281,38 kr/kg
Litli karfi 24.10.18 17,00 kr/kg
Blálanga, óslægð 14.12.18 257,33 kr/kg

Fleiri tegundir »

15.12.18 Hafrún Ís54 ÍS-054 Lína
Þorskur 2.724 kg
Ýsa 1.305 kg
Langa 28 kg
Steinbítur 16 kg
Keila 5 kg
Karfi / Gullkarfi 4 kg
Samtals 4.082 kg
14.12.18 Sæli BA-333 Lína
Þorskur 263 kg
Steinbítur 211 kg
Ufsi 211 kg
Langa 172 kg
Samtals 857 kg
14.12.18 Fríða Dagmar ÍS-103 Lína
Ýsa 275 kg
Langa 203 kg
Þorskur 119 kg
Ufsi 38 kg
Keila 31 kg
Hlýri 18 kg
Karfi / Gullkarfi 16 kg
Steinbítur 7 kg
Samtals 707 kg

Skoða allar landanir »