Fiskeldisfyrirtækin fá undanþágu

Fiskeldiskví við Hlaðseyri í Patreksfirði.
Fiskeldiskví við Hlaðseyri í Patreksfirði. mbl.is/Helgi Bjarnason

Umhverfis- og auðlindaráðherra hefur veitt fyrirtækjunum Arctic Sea Farm hf. og Fjarðalaxi hf. tímabundna undanþágu frá kröfu um starfsleyfi, með skilyrðum. Arctic Sea Farm hf. er þar með veitt heimild til að framleiða 600 tonn árlega og Fjarðalaxi hf. 3.400 tonn árlega af laxi í sjókvíum í Patreksfirði og Tálknafirði.

Þetta kemur fram í tilkynningu frá Stjórnarráðinu en í henni segir að undanþágurnar muni falla úr gildi í síðasta lagi 5. september á næsta ári.

Gert ráð fyrir umfangsminni starfsemi

Bent er á að ráðuneytið veiti undanþágurnar á grundvelli ákvæða laga nr. 7/1998 um hollustuhætti og mengunarvarnir og reglugerðar nr. 550/2018 um losun frá atvinnurekstri og mengunarvarnaeftirlit.

Gert er um leið ráð fyrir mun umfangsminni starfsemi fyrirtækjanna en þau óskuðu eftir í beiðni sinni um undanþágu og sem starfsleyfi Umhverfisstofnunar tók til, en starfsleyfin voru felld úr gildi í október sl. með úrskurði úrskurðarnefndar umhverfis- og auðlindamála.

Undanþágurnar bundnar skilyrðum

Tekið er fram að fyrirtækjunum sé gert skylt að fylgja þeim skilyrðum sem fram komi í fyrrgreindum starfsleyfum og þeim umhverfiskröfum sem komi fram í áliti Skipulagsstofnunar um mat á umhverfisáhrifum vegna framkvæmdarinnar.

„Þá eru undanþágurnar bundnar þeim skilyrðum að fyrirtækin vinni með virkum hætti að því að bæta úr annmörkum á umhverfismati vegna framkvæmdanna og gera ráð fyrir að starfseminni sé haldið í lágmarki til að draga sem mest úr umhverfisáhrifum og mengun sem henni fylgir,“ segir í tilkynningunni.

Við afgreiðslu málsins hafi verið aflað umsagna frá Skipulagsstofnun, Umhverfisstofnun og Matvælastofnun, sem mælt hafi með því að fyrirtækjunum yrði veitt tímabundin undanþága frá starfsleyfi.

mbl.is
Afurð Dags. Meðalverð
Þorskur, óslægður 13.12.18 312,06 kr/kg
Þorskur, slægður 13.12.18 332,24 kr/kg
Ýsa, óslægð 13.12.18 241,85 kr/kg
Ýsa, slægð 12.12.18 282,21 kr/kg
Ufsi, óslægður 11.12.18 123,57 kr/kg
Ufsi, slægður 12.12.18 110,03 kr/kg
Djúpkarfi 6.12.18 307,00 kr/kg
Gullkarfi 12.12.18 270,75 kr/kg
Litli karfi 24.10.18 17,00 kr/kg
Blálanga, óslægð 10.12.18 192,80 kr/kg

Fleiri tegundir »

13.12.18 Sæþór EA-101 Þorskfisknet
Þorskur 3.488 kg
Skarkoli 27 kg
Rauðmagi 3 kg
Samtals 3.518 kg
13.12.18 Blíðfari ÓF-070 Þorskfisknet
Þorskur 326 kg
Samtals 326 kg
13.12.18 Gulltoppur Ii EA-229 Landbeitt lína
Ýsa 791 kg
Þorskur 321 kg
Samtals 1.112 kg
13.12.18 Dögg EA-236 Línutrekt
Ýsa 240 kg
Þorskur 46 kg
Samtals 286 kg
13.12.18 Gunnar Níelsson EA-555 Landbeitt lína
Ýsa 355 kg
Þorskur 98 kg
Samtals 453 kg

Skoða allar landanir »