Furðar sig á kæru Landverndar

Sigurður bendir á að hann hafi fylgst með starfi samtakanna ...
Sigurður bendir á að hann hafi fylgst með starfi samtakanna lengi. mbl.is/Árni Sæberg

Erfitt er að skilja markmið Landverndar með kæru samtakanna til ESA, sem varðar samþykki Alþingis til að veita sjávarútvegsráðherra heimild til framlengingar fiskeldisleyfa. Þetta segir Sigurður Pétursson, stofnandi laxeldisfyrirtækisins Arctic Fish, í opnu bréfi til Auðar Önnu Magnúsdóttur, framkvæmdastjóra Landverndar.

Sigurður segir í bréfinu, sem jafnframt hefur borist 200 mílum, að ástæða skrifanna sé ósk hans um að fá fund með Auði, til að öðlast betri skilning á verkefnavali Landverndar og kynna fyrir hana starfsemi Arctic Fish á Vestfjörðum.

Bendir hann á að hann hafi fylgst með starfi samtakanna lengi og tekið þátt í verkefnum sem tengist starfsemi þeirra, en eigi erfitt með að skilja verkefnaval samtakanna að undanförnu.

Seiðaflutningaskipið Viking Saga flytur seiði úr eldisstöð Arctic Fish í ...
Seiðaflutningaskipið Viking Saga flytur seiði úr eldisstöð Arctic Fish í botni Tálknafjarðar í sjókvíaeldi fyrirtækisins í Dýrafirði. mbl.is/Guðlaugur Albertsson

Vottað samkvæmt strangasta umhverfisstaðlinum

Ég er meðvitaður um stefnu ykkar um „að standa vörð um íslenska náttúru og vera virkur þátttakandi í stefnumótun, fræðslu og upplýstri ákvarðanatöku í málum er varða landnotkun, auðlindir og umhverfi.“ Í ljósi þessa er erfitt að skilja markmið með kæru ykkar til ESA á því að Alþingi samþykkti að veita sjávarútvegsráðherra sambærilega heimild og umhverfisráðherra hefur nú þegar varðandi framlengingu fiskeldisleyfa,“ skrifar Sigurður, sem í dag er framkvæmdastjóri viðskiptaþróunar Arctic Fish.

„Vestfirðir hafa fyrir mörgum árum mótað sér stefnu um að vera stóriðjulaus landshluti, eru umhverfisvottaðir í samræmi við EarthCheck og því eru umhverfismál mikilvæg Vestfirðingum,“ skrifar hann og bætir við að fiskeldi í sjó sé ein umhverfisvænasta matvælaframleiðsla sem völ sé á, með mjög lágu kolefnisfótspori.

„Arctic Fish er auk þess vottað í samræmi við ASC (Aquaculture Stewardship Council) staðalinn sem er strangasti umhverfisstaðallinn fyrir laxeldi sem völ er á. Þá hefur Alþingi skilgreint Vestfirði sem svæði fyrir fiskeldi í sjó.“

Koltvísýringslosun hæst á Íslandi

Sigurður bendir á að nýverið hafi komið út skýrsla frá Hagstofu Íslands, sem sýni að koltvísýringslosun sé hæst á Íslandi í samanburði við nágrannaríkin og að það megi m.a. rekja til flugsamgangna.

„Ég sé ekkert hvorki í ársskýrslu ykkar né á heimasíðu um verkefni til þess að mæta þessum vanda þó að vísu sé nefnd þátttaka ykkar í „aðgerðamiðuðu loftslagsverkefni með íslenskum sveitarfélögum sem miðar að því að aðstoða þau við að draga úr útlosun gróðurhúsalofttegunda.“ Væri ekki ráð að beina kröftunum að helsta umhverfisvanda okkar þjóðar sem tengist loftmengun og mæta aukinni útlosun gróðurhúsaloftegunda með kolefnisjöfnun?“ spyr hann.

Skip sem brenna olíu í landlegu

„Ef litið er til nærumhverfis á höfuðborgarsvæðinu þá falla þar til 240 kg af sorpi á hvern íbúa á ári og af þeim eru 190 kg óflokkuð. Á síðasta ári komu 135 skemmtiferðaskip á höfuðborgarsvæðið sem er tvöföldun á 10 árum og öll brenna þau olíu í landlegu frekar en að nota rafmagn og í raun virðast ekki vera mörg verkefni hjá Landvernd sem snúa að okkar stærsta atvinnuvegi, ferðamannaiðnaði. Um Faxaflóasundið ferðast skip með kol sem notuð eru í málmiðnaði hér við land og ekki hef ég orðið var við hávær mótmæli Landverndar í þessum málaflokki heldur,“ skrifar Sigurður.

„Ég get í raun haldið áfram að fjalla um umhverfismál og verkefni tengd þeim enda málefnið mér kært, en hefði fremur vilja ræða það á fundi okkar. Einnig langar mig að vita hvort horft sé til alþjóðlegra markmiða líkt og þau sem stofnanir Sameinuðu þjóðanna hafa sett sér þegar umhverfisverkefni Landverndar eru valin?“

mbl.is
Afurð Dags. Meðalverð
Þorskur, óslægður 12.12.18 353,43 kr/kg
Þorskur, slægður 12.12.18 386,76 kr/kg
Ýsa, óslægð 12.12.18 294,56 kr/kg
Ýsa, slægð 12.12.18 287,56 kr/kg
Ufsi, óslægður 11.12.18 123,57 kr/kg
Ufsi, slægður 12.12.18 110,71 kr/kg
Djúpkarfi 6.12.18 307,00 kr/kg
Gullkarfi 12.12.18 270,90 kr/kg
Litli karfi 24.10.18 17,00 kr/kg
Blálanga, óslægð 10.12.18 192,80 kr/kg

Fleiri tegundir »

12.12.18 Hafdís SU-220 Lína
Ýsa 3.111 kg
Þorskur 2.909 kg
Keila 90 kg
Samtals 6.110 kg
12.12.18 Kristján HF-100 Lína
Þorskur 10 kg
Samtals 10 kg
12.12.18 Sjöfn SH-707 Plógur
Ígulker 862 kg
Samtals 862 kg
12.12.18 Blíðfari ÓF-070 Þorskfisknet
Þorskur 200 kg
Samtals 200 kg
12.12.18 Gullhólmi SH-201 Lína
Ýsa 1.615 kg
Þorskur 45 kg
Hlýri 8 kg
Keila 3 kg
Samtals 1.671 kg

Skoða allar landanir »