Framboði Heiðveigar Maríu hafnað

Frestur til að skila inn framboðum og meðmælalistum var til ...
Frestur til að skila inn framboðum og meðmælalistum var til klukkan 12 á mánudag. mbl.is/Sigurður Bogi Sævarsson

Mótframboði Heiðveigar Maríu Einarsdóttur til stjórnar í Sjómannafélagi Íslands gegn lista stjórnar félagsins, A-lista, var hafnað á fundi kjörstjórnar félagsins í gær.

Listi Heiðveigar Maríu, B-listi, var ekki talinn lögmætur vegna þess að einungis var lagður fram listi til stjórnar og varastjórnar félagsins, ásamt skrá yfir meðmælendur. Ekki bárust listar til stjórnar matsveinadeildar eða trúnaðarráðs, en samkvæmt lögum félagsins fara kosningar fram til tveggja stjórna, auk trúnaðarráðs á sama tíma og skal mótframboð til stjórnar í félaginu jafnframt leggja fram framboð til stjórnar matsveinadeildar.

Þá segir að frambjóðandi B-lista til formanns stjórnar félagsins sé hvorki félagsmaður í félaginu né uppfylli skilyrði um kjörgengi, þar sem hann hafði ekki greitt í félagið í þrjú ár.

Einnig var sett út á meðmælalista sem lagður var fram samhliða framboðslista B-listans, en við skoðun á honum kom í ljós að þrír þeirra 111 sem skrifað höfðu undir voru ekki félagsmenn í félaginu.

Frambjóðendur geti ekki verið meðmælendur

Auk þess voru allir frambjóðendur til stjórnar og varastjórnar í félaginu, alls 10, meðal meðmælenda. „Frambjóðendur til stjórnar og varastjórnar í félaginu geta ekki jafnframt verið meðmælendur með eigin framboði,“ segir í tilkynningunni.

Í c-lið 5. mgr. 16. gr. laga félagsins kemur fram að hafi aðeins einn framboðslisti borist til stjórnar, trúnaðarmannaráðs og matsveinadeildar séu þeir menn sem þar eru tilnefndir sjálfkjörnir í stjórn.

Fréttin hefur verið uppfærð.

mbl.is

Bloggað um fréttina

Afurð Dags. Meðalverð
Þorskur, óslægður 14.12.18 264,49 kr/kg
Þorskur, slægður 14.12.18 336,44 kr/kg
Ýsa, óslægð 14.12.18 229,02 kr/kg
Ýsa, slægð 14.12.18 223,03 kr/kg
Ufsi, óslægður 14.12.18 71,97 kr/kg
Ufsi, slægður 14.12.18 95,86 kr/kg
Djúpkarfi 6.12.18 307,00 kr/kg
Gullkarfi 14.12.18 281,38 kr/kg
Litli karfi 24.10.18 17,00 kr/kg
Blálanga, óslægð 14.12.18 257,33 kr/kg

Fleiri tegundir »

15.12.18 Hafrún Ís54 ÍS-054 Lína
Þorskur 2.724 kg
Ýsa 1.305 kg
Langa 28 kg
Steinbítur 16 kg
Keila 5 kg
Karfi / Gullkarfi 4 kg
Samtals 4.082 kg
14.12.18 Sæli BA-333 Lína
Þorskur 263 kg
Steinbítur 211 kg
Ufsi 211 kg
Langa 172 kg
Samtals 857 kg
14.12.18 Fríða Dagmar ÍS-103 Lína
Ýsa 275 kg
Langa 203 kg
Þorskur 119 kg
Ufsi 38 kg
Keila 31 kg
Hlýri 18 kg
Karfi / Gullkarfi 16 kg
Steinbítur 7 kg
Samtals 707 kg

Skoða allar landanir »