Mikið líf í hvalaskoðun í Faxaflóa

Nóvember hefur verið gjöfull fyrir hvalaskoðunarfyrirtæki á höfuðborgarsvæðinu, sérstaklega undanfarnir dagar sem hafa verið bjartir og fallegir. 

„Þetta hefur verið virkilega gott síðustu vikuna,“ segir Bárður Hilmarsson, einn af skipstjórum hjá hvalaskoðunarfyrirtækinu Eldingu, en í gær sáu skoðarar hnúfubak, hrefnur og höfrunga í skemmtilegri birtu.

Í gær sáu skoðarar hnúfubak, hrefnur og höfrunga. Ljósmynd/Elding

„Það er búið að vera einstaklega gott veður og mikið æti í Faxaflóanum,“ segir Bárður.

Frétt af mbl.is

Hnúfubakur á svamli við hafnarbakkann

Áður hafði verið greint frá hnúfubaki sem svamlaði í sjónum við hafnarbakkann á Skarfabakka. Bárður segir að þrír hnúfubakar séu í Faxaflóa og það sé óvenjugott.

Ljósmynd/Elding

Tveir þeirra haldi til á miðunum sem þeir fari reglulega á en einn þeirra sé nær landi og sjáist oft í grennd við Viðey.

• Blogga um frétt