Rólegt á kolmunna í færeyskri lögsögu

Rólegt hefur verið á kolmunnaveiðum austur af Færeyjum síðustu daga. Oft hefur afli á sólarhring verið í kringum 200 tonn, stundum meira og stundum minna. Flest uppsjávarskipanna hafa verið á kolmunna undanfarið, en kolmunninn er á suðurleið til hrygningar eftir að hafa verið á ætisslóð í Norðurhöfum í sumar.

Í gær voru Álsey VE og Jóna Eðvalds SF á veiðum á íslenskri sumargotssíld vestur af Reykjanesi, en þær veiðar eru langt komnar.