Aldrei meiri fjárfesting í sjávarútvegi

Afli dreginn um borð í Engey. Undanfarin ár hafa fjárfestingar ...
Afli dreginn um borð í Engey. Undanfarin ár hafa fjárfestingar tekið verulega við sér, segir í skýrslu Arion banka. Ljósmynd/Þröstur Njálsson

Síðasta ár var metár hvað varðar fjárfestingu í íslenskum sjávarútvegi, en teikn eru á lofti um að fjármögnunarkostnaður sjávarútvegsfyrirtækja muni hækka á næstu misserum.

Þetta er meðal þess sem fram kemur í nýrri skýrslu greiningardeildar Arion banka. Bent er á að tækniframfarir undanfarinna ára skapi meðal annars þrýsting á auknar fjárfestingar í sjávarútvegi, til að tryggja samkeppnishæfni.

Að staðaldri sé fjármunaeign í íslenskri fiskvinnslu afskrifuð um um það bil fimm milljarða króna á ári, sem skilja megi sem lágmarksfjárfestingu til að viðhalda virði eigna. Sterk króna undanfarið hafi haft neikvæðari áhrif á framlegð í vinnslu en veiðum vegna launakostnaðar. Horfur á sterkri krónu auki því hvatann til sjálfvirknivæðingar í vinnslu.

Súlurit/Arion Banki

Hreinar skuldir hækka

Þá segir að svo virðist sem góð afkoma sjávarútvegs á árunum 2008 til 2015 hafi fyrst um sinn farið í niðurgreiðslu skulda, en að undanfarin ár hafi fjárfestingar tekið allverulega við sér.

„Fjárfestingar í sjávarútvegi voru umfram EBITDA í fyrsta skipti í fyrra sem leiðir til þess að hreinar skuldir hækka. Afkoma af rekstri eins og hún var í fyrra dugir ekki ein til að standa straum af svo miklum fjárfestingum en bætt fjárhagsstaða hefur hins vegar skapað svigrúm til aukinnar lántöku,“ segir í skýrslunni.

Í því samhengi megi benda á að fjármögnunarkostnaður sjávarútvegsfyrirtækja virðist hafa farið lækkandi fram til 2017 en teikn séu á lofti um að hann muni hækka á næstu misserum. Hækkandi fjármagnskostnaður og mikil fjárfestingarþörf leiði til þess að þörf gæti víða skapast fyrir aukna stærðarhagkvæmni til að tryggja arðsemi fjárfestinganna. 

mbl.is
Afurð Dags. Meðalverð
Þorskur, óslægður 24.5.19 285,86 kr/kg
Þorskur, slægður 24.5.19 334,52 kr/kg
Ýsa, óslægð 24.5.19 335,19 kr/kg
Ýsa, slægð 24.5.19 255,71 kr/kg
Ufsi, óslægður 24.5.19 101,00 kr/kg
Ufsi, slægður 24.5.19 136,07 kr/kg
Djúpkarfi 22.5.19 127,41 kr/kg
Gullkarfi 24.5.19 112,23 kr/kg
Litli karfi 22.5.19 0,00 kr/kg
Blálanga, óslægð 24.5.19 107,90 kr/kg

Fleiri tegundir »

26.5.19 Litlanes ÞH-003 Línutrekt
Þorskur 174 kg
Karfi / Gullkarfi 66 kg
Keila 59 kg
Grálúða / Svarta spraka 40 kg
Hlýri 35 kg
Steinbítur 3 kg
Samtals 377 kg
26.5.19 Hafsvala BA-252 Grásleppunet
Grásleppa 1.665 kg
Samtals 1.665 kg
26.5.19 Sæli BA-333 Lína
Þorskur 280 kg
Langa 75 kg
Hlýri 48 kg
Skarkoli 34 kg
Ýsa 17 kg
Ufsi 17 kg
Karfi / Gullkarfi 8 kg
Samtals 479 kg

Skoða allar landanir »