Niðurstaða Hæstaréttar er „stórsigur“

Huginn ehf. gerir út Hugin VE 55.
Huginn ehf. gerir út Hugin VE 55. Ljósmynd/Aðsend

„Þetta er stórsigur, það er ekki hægt að segja annað. Ég er mjög ánægður með þetta, réttlætinu var náð,“ segir Páll Guðmundsson, framkvæmdastjóri útgerðarfélagsins Hugins ehf., í samtali við mbl.is.

Huginn ehf. og Ísfélag Vestmannaeyja hf. lögðu í dag íslenska ríkið í skaðabótamáli sem höfðað var vegna úthlutunar aflaheimilda á makríl á árunum 2011 til 2014.

Hæstiréttur Íslands sneri í dag við dómum Héraðsdóms Reykjavíkur og komst að þeirri niðurstöðu að íslenska ríkið bæri skaðabótaábyrgð á fjártjóni sem útgerðarfélögin urðu fyrir vegna ólögmætrar úthlutunar aflaheimilda.

Endurskoðunarfyrirtækið Deloitte metur hagnaðarmissi félaganna um 2,6 milljarða íslenskra króna og telur að Huginn hf. hafi orðið af 365 milljóna króna hagnaði.

Dómar Hæstaréttar sem féllu í dag snerust einungis um viðurkenningu á bótaskyldu íslenska ríkisins. Útgerðarfélögin þurfa því að höfða sérstakt skaðabótamál á hendur ríkinu til að fá upphæð fjártjónsins metna nema að aðilar semji um bótafjárhæð utan réttarsala.

Páll segir óljóst á þessari stundu hvort skaðabótamál verði höfðað. „Þetta er allt svo nýlega gerst og það er eitthvað sem þarf að skoðast eftir helgina. Það er líka spurning hvernig ríkisstjórnin nálgast þetta mál þannig við skulum leyfa rykinu aðeins að setjast,“ sagði hann.

Páll Guðmundsson, framkvæmdarstjóri Hugins ehf.
Páll Guðmundsson, framkvæmdarstjóri Hugins ehf. Ljósmynd/Aðsend

Í dómum Hæstaréttar var einungis fjallað um úthlutanir á aflaheimildum á árunum 2011 til 2014 og því óljóst hver staðan er hvað varðar árin 2015 til 2018. Páll á ekki von á öðru en að skaðabótaskylda sé til staðar vegna tímabilsins eftir árið 2014 enda hafi úthlutunum verið eins háttað þá og á tímabilinu 2011 til 2014.

Páll segir dóminn hafa heilmikla þýðingu fyrir félagið og ekki einungis vegna þess fjártjóns sem Huginn hefur þegar orðið fyrir heldur einnig vegna framtíðartekna. „Við höfum misst af miklum tekjum og svo hefðum við til framtíðar misst svipaðar upphæðir,“ segir hann.

„Fjárhæðin er eitt en svo er líka annað að fá þetta bara rétt þannig að þær aflaheimildir sem maður á rétt á séu ekki teknar af manni. Það er útgangspunkturinn í þessu. Aðalatriðið er að það sé farið eftir lögum,“ segir hann að lokum.

Kristján Þór Júlíusson, sjávarútvegs- og landbúnaðarráðherra, sagði óhjákvæmilegt að skoða breytt fyrirkomulag varðandi stjórnun makrílveiða í ljósi niðurstöðu Hæstaréttar.

mbl.is
Afurð Dags. Meðalverð
Þorskur, óslægður 20.1.20 448,87 kr/kg
Þorskur, slægður 20.1.20 426,66 kr/kg
Ýsa, óslægð 20.1.20 218,49 kr/kg
Ýsa, slægð 20.1.20 288,18 kr/kg
Ufsi, óslægður 20.1.20 147,26 kr/kg
Ufsi, slægður 20.1.20 186,63 kr/kg
Djúpkarfi 4.12.19 156,00 kr/kg
Gullkarfi 20.1.20 341,85 kr/kg
Litli karfi 18.12.19 15,00 kr/kg
Blálanga, óslægð 19.1.20 99,00 kr/kg

Fleiri tegundir »

20.1.20 Vörður ÞH-044 Botnvarpa
Þorskur 80.082 kg
Ufsi 6.336 kg
Karfi / Gullkarfi 3.993 kg
Langa 301 kg
Hlýri 265 kg
Grálúða / Svarta spraka 183 kg
Steinbítur 103 kg
Lúða 46 kg
Keila 8 kg
Tindaskata 6 kg
Samtals 91.323 kg
20.1.20 Sæþór EA-101 Þorskfisknet
Þorskur 1.314 kg
Ýsa 455 kg
Ufsi 90 kg
Skarkoli 30 kg
Karfi / Gullkarfi 27 kg
Langa 13 kg
Rauðmagi 8 kg
Hlýri 5 kg
Steinbítur 5 kg
Samtals 1.947 kg

Skoða allar landanir »

Afurð Dags. Meðalverð
Þorskur, óslægður 20.1.20 448,87 kr/kg
Þorskur, slægður 20.1.20 426,66 kr/kg
Ýsa, óslægð 20.1.20 218,49 kr/kg
Ýsa, slægð 20.1.20 288,18 kr/kg
Ufsi, óslægður 20.1.20 147,26 kr/kg
Ufsi, slægður 20.1.20 186,63 kr/kg
Djúpkarfi 4.12.19 156,00 kr/kg
Gullkarfi 20.1.20 341,85 kr/kg
Litli karfi 18.12.19 15,00 kr/kg
Blálanga, óslægð 19.1.20 99,00 kr/kg

Fleiri tegundir »

20.1.20 Vörður ÞH-044 Botnvarpa
Þorskur 80.082 kg
Ufsi 6.336 kg
Karfi / Gullkarfi 3.993 kg
Langa 301 kg
Hlýri 265 kg
Grálúða / Svarta spraka 183 kg
Steinbítur 103 kg
Lúða 46 kg
Keila 8 kg
Tindaskata 6 kg
Samtals 91.323 kg
20.1.20 Sæþór EA-101 Þorskfisknet
Þorskur 1.314 kg
Ýsa 455 kg
Ufsi 90 kg
Skarkoli 30 kg
Karfi / Gullkarfi 27 kg
Langa 13 kg
Rauðmagi 8 kg
Hlýri 5 kg
Steinbítur 5 kg
Samtals 1.947 kg

Skoða allar landanir »