Jónas víkur úr embætti formanns

Jónas Garðarsson, formaður Sjómannafélags Íslands.
Jónas Garðarsson, formaður Sjómannafélags Íslands. mbl.is/Hari

Jónas Garðarsson, formaður Sjómannafélags íslands, hefur ákveðið að víkja úr því embætti. Hann segir það þola enga bið að ná á nýjan leik víðtækri samstöðu innan félagsins.

Þetta kemur fram í tilkynningu sem send hefur verið fjölmiðlum, þar sem Jónas segir meðal annars að eiginkonu sinni og jafnvel börnum sínum hafi verið flétt, „með grímulausum hætti“, inn í umfjöllun fjölmiðla.

Fullyrðir Jónas að áhlaupi, sem ætlað hafi verið að yfirtaka félagið, hafi verið hrundið. Vísar hann þar til formannsframboðs Heiðveigar Maríu Einarsdóttur, sem virðist hafa hlotið snöggan endi er henni var vikið úr félaginu í byrjun nóvembermánaðar.

Tekist að sá frækornum efasemda

„Í þeirri varnarbaráttu var í einu og öllu farið að lögum félagsins. Eflaust eru skiptar skoðanir um einhver ákvæði í lögunum. Til stendur að skipa sérstaka nefnd til þess að endurskoða lögin með heildstæðum hætti og leggja tillögur sínar fyrir aðalfund árið 2019,“ segir Jónas og bætir við að félagið hafi verið borið þungum sökum.

„Flestar þeirra ásakana voru beinlínis rangar. Þeim var slegið hverri á fætur annarri upp í þeim fjölmiðlum sem mest lögðu sig fram í umfjöllun um deilur innan félagsins. Minni áhugi hefur verið á að leiðrétta þær rangfærslur jafnóðum og sýnt var fram á upplognar sakir. Þannig hefur áhlaupsliðinu tekist að sá frækornum efasemda um heiðarleika og heilbrigði í rekstri Sjómannafélags Íslands.“

Heiðveig hefur sagt skoðanir sínar og nálgun ekki eiga hljómgrunn ...
Heiðveig hefur sagt skoðanir sínar og nálgun ekki eiga hljómgrunn með forystu félagsins, það sé nokkuð ljóst. mbl.is/Eggert

Frammistaða uppkominna barna gerð tortryggileg

Fullyrðir Jónas að í þessum efnum hafi persóna hans sjálfs verið sett sérstaklega í sviðsljósið. 

„Minnst af þeirri umfjöllun hefur snúist um gagnrýni á störf mín fyrir félagið heldur annars vegar um launakostnað félagsins vegna mín, sem sagður var um þrefalt hærri en raun er á, og hins vegar upprifjun á sorglegum atburðum í einkalífi mínu. Svo langt hefur verið gengið að flétta með grímulausum hætti eiginkonu minni og jafnvel börnum inn í þessa upprifjun fjölmiðlanna. Frammistaða uppkominna barna minna í atvinnulífinu hefur jafnvel verið gerð tortryggileg,“ segir hann.

„Áhlaupshópurinn fann í mér snöggan blett á félaginu og nýtti sér hann út í ystu æsar. Það gerði hann þrátt fyrir að ég hafi strax síðastliðið sumar gefið út yfirlýsingu um að ég myndi ekki bjóða mig fram til áframhaldandi formennsku í félaginu.“

Með hag fjölskyldunnar og félagsins að leiðarljósi

Þá segir hann að það verði verkefni nýrrar forystu, „að sameina á nýjan leik þann styrk sem felst í víðtækri samstöðu innan Sjómannafélags Íslands og lagt hefur grunn að þeim mikla árangri sem náðst hefur á undanförnum árum. Sú vinna þolir enga bið.“

Til þess að flýta fyrir því ferli hafi hann ákveðið að stíga til hliðar sem formaður félagsins.

„Ég óska þeim sem við keflinu taka farsældar í gríðarlega mikilvægum störfum sínum á næstu mánuðum. Ég mun að sjálfsögðu eins og svo fjölmargir aðrir félagsmenn leggja þar hönd á plóg verði eftir því óskað. Ég tek þessa ákvörðun með eigin hag, fjölskyldu minnar og félagsins að leiðarljósi og vona að hún muni gera sáttaferlið innan Sjómannafélags Íslands auðveldara en ella.“

mbl.is
Afurð Dags. Meðalverð
Þorskur, óslægður 11.12.18 323,76 kr/kg
Þorskur, slægður 11.12.18 378,38 kr/kg
Ýsa, óslægð 11.12.18 292,33 kr/kg
Ýsa, slægð 11.12.18 266,76 kr/kg
Ufsi, óslægður 11.12.18 123,57 kr/kg
Ufsi, slægður 11.12.18 140,02 kr/kg
Djúpkarfi 6.12.18 307,00 kr/kg
Gullkarfi 11.12.18 287,29 kr/kg
Litli karfi 24.10.18 17,00 kr/kg
Blálanga, óslægð 10.12.18 192,80 kr/kg

Fleiri tegundir »

11.12.18 Björn EA-220 Þorskfisknet
Þorskur 1.803 kg
Karfi / Gullkarfi 70 kg
Ufsi 63 kg
Samtals 1.936 kg
11.12.18 Onni HU-036 Dragnót
Þorskur 1.647 kg
Samtals 1.647 kg
11.12.18 Elli P SU-206 Lína
Þorskur 5.970 kg
Þorskur 875 kg
Ýsa 709 kg
Samtals 7.554 kg
11.12.18 Bíldsey SH-065 Lína
Ýsa 3.408 kg
Þorskur 36 kg
Hlýri 4 kg
Samtals 3.448 kg

Skoða allar landanir »