Segja afkomutengd veiðigjöld lækkun

Tekist var á um frumvarp um veiðigjöld á Alþingi. Þorsteinn ...
Tekist var á um frumvarp um veiðigjöld á Alþingi. Þorsteinn Víglundsson sagði ekki hefði verið gerð tilraun til þess að ná sátt í málinu. mbl.is/Eggert

Tekist var á um hvort samráð hefði verið haft við minnihlutann og um hvort væri verið að lækka veiðigjöld með frumvarpi meirihlutans um breytingar á fyrirkomulagi veiðigjalda við atkvæðagreiðslu um málið á Alþingi í dag. Ljóst er að verulegur ágreiningur ríkir um málið, en frumvarpi var samþykkt síðdegis.

„Ríkisstjórnin varð gerð afturreka með lækkun veiðigjalda í vor, en lagði það fram aftur í haust í bullandi pólitískum ágreiningu án minnstu tilraunar til þess að ná sátt um þetta mál,“ sagði Þorsteinn Víglundsson, þingmaður Viðreisnar.

Með frum­varp­inu breyt­ist álagn­ing veiðigjalda og hún færð nær í tíma, til að veiðigjöld­in geti bet­ur end­ur­speglað af­komu út­gerðar­inn­ar. Álagn­ing­in verður byggð á árs­göml­um gögn­um í stað um tveggja ára eins og nú. Þá verður veiðigjalds­nefnd lögð niður og úr­vinnsla gagna og álagn­ing færð til rík­is­skatt­stjóra, sam­kvæmt frum­varp­inu.

Sanngjörn renta

„Við héldum þrettán fundi og það komu hundrað gestir,“ sagði Ásmundur Friðriksson, þingmaður Sjálfstæðisflokksins, sem sagðist vera með öllu ósammála Þorsteini um að ekki hafi verið haft samráð um frumvarp um veiðigjöld.

„Verið að skerða enn frekar sanngjarna rentu þjóðarinnar af auðlind sinni,“ sagði Helga Vala Helgadóttir, þingmaður Samfylkingarinnar. Gagnrýndi hún að frumvarpið væri sett fram á sama tíma og rekstarumhverfi útgerðarinnar vænkast mjög, fyrir liggi hugmyndir um að leggja á aukna skattbyrði í formi veggjalda og að ekki er hægt að tryggja kjarabætur fyrir eldriborgara og öryrkja.

Sagði Helga Vala að það væri verið að færa útgerðinni fjögurra milljarða jólagjöf.

Helga Vala Helgadóttir.
Helga Vala Helgadóttir. mbl.is/​Hari

Halla Signý Kristjánsdóttir, þingmaður Framsóknarflokksins, benti á að orð þingmanna um bætta afkomu sjávarútvegsfyrirtækja ætti að vera fagnaðarefni þar sem breytingarnar á veiðigjöldum tryggja að meira fæst innheimt með afkomumiðuðum veiðigjöldum.

Þingmaður Pírata, Þórhildur Sunna Ævarsdóttir, hélt því fram að stjórnarmeirihlutanum væri kunnugt um það að frumvarpið um veiðigjöld myndi skapa hvata til bókhaldsbrellna og skattaundanskota samþætta útgerða.

„Það [samþykkt frumvarpsins] verður þess valdandi að ríkissjóður verður af fjórum milljörðum í tekjur á næsta ári,“ sagði hún og fullyrti að hægt væri að vinna frumvarpið betur í samráði við minnihlutann og að óþarfi væri að þröngva því í gegn.

Í lagi að ekki ríki sátt

Fulltrúar flestra ef ekki allra flokka hafa talað fyrir því að gjöld endurspegla afkomu og færa álagningu nær tíma, sagði Katrín Jakobsdóttir, forsætisráðherra. „Hér er verið að gera einmitt þetta að færa álagningu nær í tíma og miða hana af afkomu.“

Fram kom í ræðu hennar að um málið hafi verið fjallað á þrettán fundum í atvinnuveganefnd og fá fjölda gesta. „Þá er talað um þetta eins og þetta sé óvænt hugmynd sem sé keyrð í gegn.“ Þá bætti hún við að „hér er verið að tala um 33% gjaldhlutfall plús viðbótarálag á uppsjávarfisk“.

Katrín Jakobsdóttir.
Katrín Jakobsdóttir. mbl.is/Hari

„Þessu máli er að ljúka og það er í góðu lagi ef það gerist ekki í sátt, stundum eru mál bara þannig að þau eru þannig vaxin að það verður ekki einhugur um þau í þinginu,“ sagði Bjarni Benediktsson fjármálaráðherra.

Nefndi hann að málið hafi komið til þingsins í september. „[S]amt er talað eins og ekki hafi verið haft neitt samráð. Menn segja hér sem leggjast gegn málinu, að ríkið verði af réttlátum hlut. En í málflutningi þeirra sem tala þannig, er alveg augljóst að þeir ætla bara að skammta ákveðna krónutölu sem hefur ekkert með útgerðarinnar að gera og á bara að skila sér. Um slíkt verður aldrei nein sátt.“

mbl.is
Afurð Dags. Meðalverð
Þorskur, óslægður 24.4.19 288,26 kr/kg
Þorskur, slægður 24.4.19 360,02 kr/kg
Ýsa, óslægð 24.4.19 224,19 kr/kg
Ýsa, slægð 24.4.19 241,86 kr/kg
Ufsi, óslægður 24.4.19 96,72 kr/kg
Ufsi, slægður 24.4.19 137,38 kr/kg
Djúpkarfi 9.4.19 224,97 kr/kg
Gullkarfi 24.4.19 247,63 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

24.4.19 Sigrún EA-052 Handfæri
Ufsi 560 kg
Þorskur 120 kg
Karfi / Gullkarfi 88 kg
Samtals 768 kg
24.4.19 Konráð EA-090 Grásleppunet
Grásleppa 1.111 kg
Þorskur 181 kg
Ufsi 132 kg
Samtals 1.424 kg
24.4.19 Von SK-021 Grásleppunet
Grásleppa 1.483 kg
Samtals 1.483 kg
24.4.19 Rán SH-307 Grásleppunet
Grásleppa 1.183 kg
Samtals 1.183 kg
24.4.19 Gunnvör ÍS-053 Rækjuvarpa
Rækja (úthafsrækja) 5.777 kg
Samtals 5.777 kg

Skoða allar landanir »