Iceland Seafood á aðalmarkað

Helgi Anton Eiríksson.
Helgi Anton Eiríksson. Ljósmynd/Aðsend

Stjórn Iceland Seafood International hefur ákveðið að félagið hefji undirbúning að skráningu á aðalmarkað Kauphallar Íslands á næsta ári. Félagið hefur verið skráð á First North-markað síðan 25. maí árið 2016 en markmiðið með skráningu félagsins á þeim tíma var að breikka eigendahópinn og stuðla að aukinni sókn félagsins. 

„Það er rökrétt skref fyrir félagið sem stækkað hefur mikið síðustu árin að hefja undirbúning á skráningu félagsins á aðalmarkað. Með því fjölgar í hópi hluthafa og á sama tíma styður það við áframhaldandi vöxt félagsins,“ segir Helgi Anton Eiríksson, forstjóri Iceland Seafood International, í tilkynningu. 

Í dag var einnig gefin út uppfærð afkomuspá félagsins fyrir 2018 en afkoman er betri en fyrri spá gerði ráð fyrir.    

Hagnaður af reglulegri starfsemi fyrir skatta 2018 (e. normalized PBT for 2018) er áætlaður  €6,8m - €7,3m samanborið við €6,1m - €6,6m í fyrri spá. Hagnaður af reglulegri starfsemi á heilsársgrunni fyrir skatta 2018 (e. proforma normalised PBT for 2018)er áætlaður €10,4m - €10,9m samanborið við €9,6m - €10,6m í fyrri spá. 

„Áætlanir okkar um að styrkja starfsemi félagsins hafa gengið eftir á árinu. Við höfum  fjárfest í fyrirtækjum í virðisaukandi starfsemi bæði á Írlandi og á Spáni en afkoma virðisaukandi eininga samstæðunnar hefur verið umfram áætlanir. Okkar skýra stefna, góða starfsfólk og sterku samstarfsaðilar hafa lagt grunn að áframhaldandi kröftugum vexti félagsins,“ bætir Helgi Anton við.  

mbl.is
Afurð Dags. Meðalverð
Þorskur, óslægður 25.6.19 331,39 kr/kg
Þorskur, slægður 25.6.19 303,44 kr/kg
Ýsa, óslægð 25.6.19 271,87 kr/kg
Ýsa, slægð 25.6.19 245,96 kr/kg
Ufsi, óslægður 25.6.19 83,97 kr/kg
Ufsi, slægður 25.6.19 124,08 kr/kg
Djúpkarfi 21.6.19 0,00 kr/kg
Gullkarfi 25.6.19 193,49 kr/kg
Litli karfi 25.6.19 5,00 kr/kg
Blálanga, óslægð 25.6.19 244,22 kr/kg

Fleiri tegundir »

25.6.19 Habbý ÍS-778 Handfæri
Þorskur 843 kg
Samtals 843 kg
25.6.19 Elva Björk NS-049 Handfæri
Þorskur 644 kg
Samtals 644 kg
25.6.19 Indriði Kristins BA-751 Lína
Steinbítur 8.644 kg
Ýsa 2.218 kg
Þorskur 584 kg
Langa 9 kg
Skarkoli 6 kg
Karfi / Gullkarfi 5 kg
Samtals 11.466 kg
25.6.19 Högni NS-010 Landbeitt lína
Þorskur 749 kg
Ýsa 663 kg
Steinbítur 346 kg
Skarkoli 14 kg
Karfi / Gullkarfi 1 kg
Keila 1 kg
Samtals 1.774 kg

Skoða allar landanir »