Sex ráðherrar þurfa að svara fyrir makríl

Málið hefur ekki verið tekið fyrir í nefndinni.
Málið hefur ekki verið tekið fyrir í nefndinni. mbl.is/Árni Sæberg

Þótt dómstólar hafi ekki dæmt ríkið til að greiða útgerðum skaðabætur vegna ólögmætrar úthlutunar makrílkvóta, samkvæmt dómi Hæstaréttar, má áætla að tap þeirra fjögurra útgerða sem höfðuðu mál nemi mörgum milljörðum króna frá árinu 2011. Þá er ótalið tjón þeirra útgerða sem ekki fóru í mál.

Fordæmi er fyrir því að slíkt mál sé tekið upp í stjórnskipunar- og eftirlitsnefnd Alþingis. Hins vegar er langsótt að viðkomandi ráðherrar verði kærðir skv. lögum um ráðherraábyrgð.

Stjórnskipunar- og eftirlitsnefnd og umboðsmaður Alþingis eru hluti af eftirliti Alþingis með framkvæmdavaldinu. Þá eru í gildi lög um ráðherraábyrgð og landsdóm.

Rætt í þingnefnd?

Stjórnskipunar- og eftirlitsnefnd hefur frumkvæði að því að kanna ákvarðanir einstakra ráðherra og verklag þeirra. Aðeins reyndi á þetta ákvæði fyrr á þessu ári þegar Sigríður Á. Andersen dómsmálaráðherra var kölluð á fund nefndarinnar til að svara spurningum um ákvarðanir og verklag við vinnslu tillögu um skipan dómara við nýstofnaðan Landsrétt. Nefndin fjallaði um málið á mörgum fundum en ákvað síðan að gera hlé til að gefa umboðsmanni Alþingis rými til að taka afstöðu til þess hvort hann hefji frumkvæðisathugun á málinu. Umboðsmaður ákvað síðan að gera það ekki.

Samkvæmt upplýsingum frá Helgu Völu Helgadóttur, formanni stjórnskipunar- og eftirlitsnefndar, hefur þetta mál ekki verið tekið fyrir í nefndinni. Það muni mögulega komast á dagskrá á nýju ári, þó að ennþá hafi ekkert verið um það rætt.

Þótt Jón Bjarnason, þáverandi sjávarútvegsráðherra, hafi gefið út fyrstu reglugerðirnar um stjórnun makrílveiða hafa síðan setið fimm sjávarútvegs- eða atvinnuvegaráðherrar, Steingrímur J. Sigfússon, Sigurður Ingi Jóhannsson, Gunnar Bragi Sveinsson, Þorgerður Katrín Gunnarsdóttir og Kristján Þór Júlíusson. Reglugerðin er endurnýjuð árlega og því hlýtur ábyrgð allra að koma til álita, ef á annað borð er verið að kanna hana. Fram kom í Fréttablaðinu í gær að sérfræðingar á auðlindaskrifstofu ráðuneytisins vöruðu ráðherra við því að reglugerðin bryti í bága við lög.

Í tíð Sigurðar Inga gaf umboðsmaður Alþingis út álit sem gekk í sömu átt og hæstaréttardómurinn. Sigurður brást við með því að leggja fram frumvarp á Alþingi um að kvótasetja makrílinn en það náði ekki fram að ganga.

Ítarlegri umfjöllun er að finna í Morgunblaðinu í dag.

Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Afurð Dags. Meðalverð
Þorskur, óslægður 14.6.19 292,20 kr/kg
Þorskur, slægður 14.6.19 358,97 kr/kg
Ýsa, óslægð 14.6.19 424,00 kr/kg
Ýsa, slægð 14.6.19 129,12 kr/kg
Ufsi, óslægður 14.6.19 111,89 kr/kg
Ufsi, slægður 14.6.19 131,53 kr/kg
Djúpkarfi 22.5.19 127,41 kr/kg
Gullkarfi 14.6.19 225,21 kr/kg
Litli karfi 11.6.19 0,00 kr/kg
Blálanga, óslægð 14.6.19 51,00 kr/kg

Fleiri tegundir »

15.6.19 Hafsvala BA-252 Grásleppunet
Grásleppa 1.771 kg
Samtals 1.771 kg
15.6.19 Einar Guðnason ÍS-303 Lína
Þorskur 2.739 kg
Langa 530 kg
Ýsa 356 kg
Keila 260 kg
Hlýri 164 kg
Ufsi 131 kg
Steinbítur 45 kg
Karfi / Gullkarfi 36 kg
Samtals 4.261 kg
15.6.19 Litlanes ÞH-003 Línutrekt
Hlýri 234 kg
Þorskur 74 kg
Karfi / Gullkarfi 49 kg
Ýsa 45 kg
Keila 25 kg
Steinbítur 6 kg
Samtals 433 kg

Skoða allar landanir »