Vilja hefja hvalveiðar í gróðaskyni

Frá hvalskurði í Hvalfirði. Ísland og Noregur stunda hvalveiðar þrátt ...
Frá hvalskurði í Hvalfirði. Ísland og Noregur stunda hvalveiðar þrátt fyrir bann Alþjóðahvalveiðiráðsins. mbl.is/Ómar

Japönsk stjórnvöld íhuga nú að draga sig út úr Alþjóðahvalveiðiráðinu. Herma heimildir að þar í landi sé stefnt að því að hefja að nýju hvalveiðar í gróðaskyni á næsta ári.

Frá þessu greinir AFP-fréttastofan, en viðbúið er að þessi ákvörðun Japana muni mæta gagnrýni víða um heim.

„Við erum að skoða alla möguleika,“ segir Yuki Morita hjá japanska sjávarútvegsráðuneytinu í samtali við AFP og leggur áherslu á að ákvörðun hafi enn ekki verið tekin hvað þetta varðar.

Japönsk stjórnvöld hótuðu að þau myndu draga sig út úr ráðinu í septembermánuði, eftir að ráðið hafnaði tillögu Japans um að hefja mætti hvalveiðar í gróðaskyni á nýjan leik.

Fréttastofan Kyodo hefur eftir ónafngreindum heimildum að ákvörðun stjórnvalda muni verða tilkynnt fyrir lok þessa árs.

Bann samþykkt árið 1986

Alþjóðahvalveiðiráðið var stofnað árið 1946 í þeim tilgangi að varðveita og halda utan um hvalastofna heimshafanna. Ráðið samþykkti árið 1986 að banna hvalveiðar í gróðaskyni eftir að nokkrar tegundir höfðu verið ofveiddar um árabil.

Japan hefur ítrekað þá afstöðu sína að hvalastofnar hafi nú náð sér nægilega á strik til að veiðar geti hafist aftur. Í dag virða stjórnvöld hvalveiðibannið en nýta sér sérstakt ákvæði sem leyfir veiðar í vísindaskyni og veiða þannig hundruð hvala á hverju ári, og selja svo kjötið.

Ísland og Noregur stunda hvalveiðar þrátt fyrir bann Alþjóðahvalveiðiráðsins.

mbl.is
Afurð Dags. Meðalverð
Þorskur, óslægður 21.2.19 300,61 kr/kg
Þorskur, slægður 21.2.19 350,40 kr/kg
Ýsa, óslægð 21.2.19 249,87 kr/kg
Ýsa, slægð 21.2.19 250,72 kr/kg
Ufsi, óslægður 21.2.19 101,02 kr/kg
Ufsi, slægður 21.2.19 133,26 kr/kg
Djúpkarfi 4.2.19 109,00 kr/kg
Gullkarfi 21.2.19 241,57 kr/kg
Litli karfi 13.2.19 0,00 kr/kg
Blálanga, óslægð 19.2.19 134,00 kr/kg

Fleiri tegundir »

22.2.19 Magnús Jón ÓF-014 Þorskfisknet
Þorskur 146 kg
Ýsa 10 kg
Rauðmagi 10 kg
Skarkoli 9 kg
Samtals 175 kg
22.2.19 Sjöfn SH-707 Plógur
Ígulker 834 kg
Samtals 834 kg
22.2.19 Ósk ÞH-054 Þorskfisknet
Þorskur 122 kg
Ufsi 12 kg
Samtals 134 kg
22.2.19 Karólína ÞH-100 Lína
Þorskur 2.268 kg
Karfi / Gullkarfi 1.294 kg
Ýsa 1.093 kg
Hlýri 207 kg
Steinbítur 31 kg
Samtals 4.893 kg

Skoða allar landanir »