Klasinn með verkstjórafund

Á fundinum verða margir áhugaverðir fyrirlestrar.
Á fundinum verða margir áhugaverðir fyrirlestrar. mbl.is/Ófeigur

Íslenski sjávarklasinn stendur fyrir svokölluðum verkstjórafundi í húsakynnum sínum á Grandagarði 16, á morgun, föstudag. Áhersla fundarins að þessu sinni verður á áskoranir stjórnenda í fiskvinnslum.

Kynntar verða ýmsar tækninýjungar og nýsköpun í sjávarútvegi, og farið í heimsókn í Völku, hátæknifyrirtæki sem sérhæfir sig í hönnun á tækjum og hugbúnaði fyrir fiskvinnslu, að því er fram kemur í tilkynningu frá klasanum.

Á fundinum verða margir áhugaverðir fyrirlestrar og sérstakir gestir verða Eggert Benedikt Guðmundsson, fyrrverandi forstjóri HB Granda og N1, sem mun fjalla um fyrirliðann og fyrirmynd, Valgeir Magnússon framkvæmdastjóri Pipar/TWA, sem mun fjalla um hvernig á að fá fólk til þess að líða vel í vinnunni og Sölvi Tryggvason, rithöfundur og fjölmiðlamaður, sem heldur erindi um hvernig almenningur horfir á fiskvinnsluna.

Efli þekkingu og styrki netið

Einnig heldur stjórnendafyrirtækið Nolta vinnustofu fyrir þátttakendur í umsjón Ylfu Edith Fenger. Fundurinn er að hluta í samstarfi við Völku og SFS, en tilgangur hans er sagður vera fyrst og fremst að hvetja til og efla samstarf á milli þeirra sem fremst standa í fiskvinnslu í landinu.

Þátttakendur fái tækifæri til að kynnast betur, efla þekkingu sína og styrkja tengslanet, auk þess sem farið sé yfir helstu áskoranir í fiskvinnslu hverju sinni og hugmyndir um hvernig bæta megi ferla og aðferðir. Þannig megi auka heildarverðmæti í sjávarútvegi með bættum vinnsluaðferðum og aukinni nýtingu sjávarafurða.

Afurð Dags. Meðalverð
Þorskur, óslægður 18.1.19 258,69 kr/kg
Þorskur, slægður 18.1.19 372,02 kr/kg
Ýsa, óslægð 18.1.19 241,94 kr/kg
Ýsa, slægð 18.1.19 252,62 kr/kg
Ufsi, óslægður 18.1.19 88,82 kr/kg
Ufsi, slægður 18.1.19 136,86 kr/kg
Djúpkarfi 16.1.19 253,00 kr/kg
Gullkarfi 18.1.19 219,56 kr/kg
Litli karfi 24.10.18 17,00 kr/kg
Blálanga, óslægð 18.1.19 267,94 kr/kg

Fleiri tegundir »

18.1.19 Litlanes ÞH-003 Línutrekt
Ýsa 294 kg
Langa 137 kg
Ufsi 51 kg
Þorskur 37 kg
Steinbítur 13 kg
Samtals 532 kg
18.1.19 Sunnutindur SU-095 Línutrekt
Þorskur 9.684 kg
Ýsa 395 kg
Steinbítur 33 kg
Langa 20 kg
Ufsi 8 kg
Hlýri 8 kg
Samtals 10.148 kg
18.1.19 Öðlingur SU-019 Línutrekt
Þorskur 8.913 kg
Ýsa 959 kg
Langa 105 kg
Ufsi 59 kg
Steinbítur 8 kg
Karfi / Gullkarfi 1 kg
Samtals 10.045 kg

Skoða allar landanir »