Veður geti sett strik í reikninginn

Grænlenska skipið Polar Amaroq að veiðum.
Grænlenska skipið Polar Amaroq að veiðum. mbl.is/Hafþór Hreiðarsson

„Það er fiskur hérna en veiðin hefur verið misjöfn, ekki síst vegna veðurs. Við erum komnir með rúmlega 1.000 tonn í fjórum holum. Við fengum 450 tonn í fyrsta holinu en svo komu tvö bræluhol sem gáfu ekki mikið. Við fengum síðan 300 tonn í síðasta holi og mér sýnist að veðurútlit sé gott næsta sólarhringinn eða svo.“

Þetta segir Geir Zoëga, skipstjóri á grænlenska skipinu Polar Amaroq, sem er að kolmunnaveiðum á hinu svonefnda gráa svæði, á milli Skotlands og Færeyja.

„Við erum beint suður af Færeyjum og hér eru auk okkar til dæmis Rússar, Hollendingar, Norðmenn og Færeyingar, en engir Íslendingar og það er svolítið sérstakt. Mér skilst að lítið sé að gerast í samningamálum Íslendinga og Færeyinga um gagnkvæm veiðiréttindi,“ er haft eftir Geir á vef Síldarvinnslunnar.

„Ég er ágætlega bjartsýnn hvað veiðihorfur í kolmunnanum varðar. Það er einna helst að veður geti sett strik í reikninginn, en það er ekki alltaf blíðan á þessum slóðum í janúar.“

Hefðu jafnan fiskveiðirétt

Hið umrædda gráa svæði er hafsvæði á milli Færeyja og norðurstrandar Skotlands sem þjóðirnar deildu lengi um. Hinn 18. maí árið 1999 náðist hins vegar samkomulag þar sem landgrunninu undir hafsvæðinu var skipt samkvæmt breskri skilgreiningu á miðlínu sem þýddi í reynd að landgrunnsréttindin voru að mestu í höndum Breta. Hins vegar gerði samningurinn ráð fyrir að Færeyingar og Bretar hefðu jafnan fiskveiðirétt á svæðinu. Kolmunninn gengur um þetta svæði snemma árs og síðan aftur á vorin.

mbl.is
Afurð Dags. Meðalverð
Þorskur, óslægður 17.2.19 267,61 kr/kg
Þorskur, slægður 17.2.19 339,32 kr/kg
Ýsa, óslægð 17.2.19 249,72 kr/kg
Ýsa, slægð 17.2.19 255,36 kr/kg
Ufsi, óslægður 17.2.19 89,15 kr/kg
Ufsi, slægður 17.2.19 155,35 kr/kg
Djúpkarfi 4.2.19 109,00 kr/kg
Gullkarfi 17.2.19 175,92 kr/kg
Litli karfi 13.2.19 0,00 kr/kg
Blálanga, óslægð 14.2.19 147,00 kr/kg

Fleiri tegundir »

17.2.19 Sandfell SU-075 Lína
Steinbítur 2.230 kg
Þorskur 1.847 kg
Ýsa 254 kg
Keila 54 kg
Karfi / Gullkarfi 8 kg
Samtals 4.393 kg
16.2.19 Indriði Kristins BA-751 Lína
Langa 1.793 kg
Steinbítur 949 kg
Karfi / Gullkarfi 74 kg
Hlýri 48 kg
Ufsi 18 kg
Samtals 2.882 kg
16.2.19 Fönix BA-123 Línutrekt
Langa 510 kg
Steinbítur 165 kg
Karfi / Gullkarfi 61 kg
Ýsa 35 kg
Þorskur 11 kg
Samtals 782 kg

Skoða allar landanir »