„Illa rökstudd áróðursskýrsla“

Stjórn Hvalaskoðunarsamtaka Íslands furðar sig á skýrslu Hagfræðistofnunar um þjóðhagslega ...
Stjórn Hvalaskoðunarsamtaka Íslands furðar sig á skýrslu Hagfræðistofnunar um þjóðhagslega hagkvæmni hvalveiða við Ísland og segir að í skýrslunni sé lítið gert úr mikilvægi á nýtingu á hval með hvalaskoðun. Ljósmynd/Aðsend

Stjórn Hvalaskoðunarsamtaka Íslands segir skýrslu Hagfræðistofnunar um þjóðhagslega hagkvæmni hvalveiða við Ísland illa rökstudda áróðursskýrslu fyrir áframhaldandi veiðum og að í skýrslunni sé lítið gert úr mikilvægi á nýtingu á hval með hvalaskoðun. Þetta er meðal þess sem kemur fram í yfirlýsingu frá samtökunum.

Stjórn samtakanna fullyrðir að engin tilraun hafi verið gerð í skýrslunni til að útskýra hvernig stórauknar hvalveiðar geta verið efnahagslega sjálfbærar né hvaða hliðaráhrif þær kynnu að hafa á aðrar útflutningsgreinar þjóðarinnar. Þá gagnrýnir stjórnin að við gagnaöflun Hagfræðistofnunar varðandi hlut ferðaþjónustunnar var ekki haft samband við Hvalaskoðunarsamtök Íslands eða aðildarfélög, Samtök ferðaþjónustunnar né Íslandsstofu. „Þetta hljóta að teljast forkastanleg vinnubrögð af hálfu Hagfræðistofnunar,“ segir í yfirlýsingunni.  

Stjórn Hvalaskoðunarsamtakanna metur sem svo að skýrslan geti ekki nýst til ákvarðanatöku um áframhaldandi hvalveiðar við Ísland. „Það verður ekki betur séð en að skýrsluhöfundur hafi lagt af stað með fyrirfram gefna niðurstöðu og kappkostað að tína einkum til það sem þjónaði þeirri niðurstöðu. Það hefur hins vegar mistekist og er útkoman illa rökstudd áróðursskýrsla fyrir áframhaldandi veiðum sem tekur ekki raunverulegt tillit til hvalaskoðunar, ferðaþjónustu að öðru leyti, alþjóðlegra hagsmuna Íslands né dýravelferðarsjónarmiða,“ segir í yfirlýsingunni.

Stjórn samtakanna krefst þess að raunverulegt hagsmunamat fari fram þar sem fullt tillit sé tekið til hagsmuna hvalaskoðunar, ferðaþjónustu og annarra útflutningsgreina áður en nokkur ákvörðun er tekin um frekari hvalveiðar við Ísland.

mbl.is
Afurð Dags. Meðalverð
Þorskur, óslægður 17.2.19 267,61 kr/kg
Þorskur, slægður 17.2.19 339,32 kr/kg
Ýsa, óslægð 17.2.19 249,72 kr/kg
Ýsa, slægð 17.2.19 255,36 kr/kg
Ufsi, óslægður 17.2.19 89,15 kr/kg
Ufsi, slægður 17.2.19 155,35 kr/kg
Djúpkarfi 4.2.19 109,00 kr/kg
Gullkarfi 17.2.19 175,92 kr/kg
Litli karfi 13.2.19 0,00 kr/kg
Blálanga, óslægð 14.2.19 147,00 kr/kg

Fleiri tegundir »

17.2.19 Sandfell SU-075 Lína
Steinbítur 2.230 kg
Þorskur 1.847 kg
Ýsa 254 kg
Keila 54 kg
Karfi / Gullkarfi 8 kg
Samtals 4.393 kg
16.2.19 Indriði Kristins BA-751 Lína
Langa 1.793 kg
Steinbítur 949 kg
Karfi / Gullkarfi 74 kg
Hlýri 48 kg
Ufsi 18 kg
Samtals 2.882 kg
16.2.19 Fönix BA-123 Línutrekt
Langa 510 kg
Steinbítur 165 kg
Karfi / Gullkarfi 61 kg
Ýsa 35 kg
Þorskur 11 kg
Samtals 782 kg

Skoða allar landanir »