Leif Av Reyni til liðs við Arctic Fish

Leif Av Reyni hefur störf á næstu dögum.
Leif Av Reyni hefur störf á næstu dögum.

Leif Av Reyni hefur verið ráðinn verkefnastjóri sjó- og landeldis hjá fiskeldisfyrirtækinu Arctic Fish, sem starfar á sunnanverðum Vestfjörðum. Leif, sem er reynslumikill stjórnandi úr færeysku fiskeldi, mun bera ábyrgð á frekari uppbyggingu og þróun seiðaeldisstöðvar Arctic Fish í Norður-Botni í Tálknafirði og ekki síst með aukna endurnýtingu fyrir augum.

Þetta kemur fram í tilkynningu frá fyrirtækinu, en þar segir að Leif muni einnig vinna að uppsetningu nýrra eldissvæða fyrirtækisins í Patreksfirði og Tálknafirði. Leif hefur störf á næstu dögum.

Síðustu átta ár starfaði Leif sem framkvæmdastjóri ferskvatnsafurða hjá Bakkafrosti í Færeyjum og þar áður var hann framkvæmdastjóri hjá Vestlax-fiskeldisfyrirtækinu. Hann sat í stjórn rannsóknarstöðvar fiskeldis í Færeyjum á árunum 2006-2016 og situr í stjórn JT Electrics sem framleiðir búnað til fiskeldis. Leif býr yfir djúpri og yfirgripsmikilli þekkingu á fiskeldi og hefur m.a. verið ráðgjafi fiskeldisfyrirtækja í Chile og komið að uppsetningu bólusetningarkerfa í fiskeldi í Ghana.

Hefur ástríðu fyrir fiskeldi

Leif er með B.Sc.-gráðu í fiskeldisfræðum frá Háskólanum í Sogndal í Noregi og M.Sc.-gráðu í fiskeldisfræðum frá Háskólanum í Stirling í Skotlandi. Hann er fæddur og uppalinn í Þórshöfn í Færeyjum og fluttist síðar í Kollafjörð ásamt eiginkonu sinni, Lailu, að námi loknu. Saman eiga Leif og Laila tvö börn, þau Natösju og Eivind.

Leif hefur ástríðu fyrir fiskeldi og öllu sem því viðkemur, ásamt því að stunda skíði og köfun. Leif þekkir nú þegar vel til íslensks fiskeldis, en í starfi sínu hjá Bakkafrosti vann hann náið með hinum rótgróna seiða- og hrognaframleiðanda Stofnfiski, sem og öðrum fiskeldisfyrirtækjum hér á landi.

mbl.is
Afurð Dags. Meðalverð
Þorskur, óslægður 15.2.19 273,71 kr/kg
Þorskur, slægður 15.2.19 339,96 kr/kg
Ýsa, óslægð 15.2.19 212,65 kr/kg
Ýsa, slægð 15.2.19 213,33 kr/kg
Ufsi, óslægður 15.2.19 83,70 kr/kg
Ufsi, slægður 15.2.19 132,99 kr/kg
Djúpkarfi 4.2.19 109,00 kr/kg
Gullkarfi 15.2.19 190,15 kr/kg
Litli karfi 13.2.19 0,00 kr/kg
Blálanga, óslægð 14.2.19 147,00 kr/kg

Fleiri tegundir »

16.2.19 Eskey ÓF-080 Línutrekt
Þorskur 3.319 kg
Steinbítur 242 kg
Ýsa 227 kg
Karfi / Gullkarfi 10 kg
Samtals 3.798 kg
16.2.19 Hrefna ÍS-267 Landbeitt lína
Þorskur 3.077 kg
Ýsa 2.055 kg
Steinbítur 1.497 kg
Langa 27 kg
Hlýri 14 kg
Skarkoli 10 kg
Karfi / Gullkarfi 7 kg
Samtals 6.687 kg
16.2.19 Halldór NS-302 Þorskfisknet
Karfi / Gullkarfi 23 kg
Langa 10 kg
Hlýri 6 kg
Steinbítur 5 kg
Samtals 44 kg

Skoða allar landanir »