Heimilar áframhaldandi hvalveiðar

Kristján Þór Júlíusson, sjávarútvegs- og landbúnaðarráðherra.
Kristján Þór Júlíusson, sjávarútvegs- og landbúnaðarráðherra. mbl.is/Kristinn Magnússon

Kristján Þór Júlíusson, sjávarútvegs- og landbúnaðarráðherra, hefur gefið út reglugerð sem heimilar áframhaldandi veiðar á langreyði og hrefnu árin 2019–2023. Nær ákvörðunin til veiða á fimm ára tímabili, eins og fyrri reglugerð gerði.

Þetta kemur fram í tilkynningu frá atvinnuvega- og nýsköpunarráðuneytinu.

Ákvörðunin er sögð byggjast á ráðgjöf Hafrannsóknastofnunar, en jafnframt hafi ráðherra haft hliðsjón af nýlegri skýrslu Hagfræðistofnunar Háskóla Íslands um þjóðhagsleg áhrif hvalveiða.

Við ákvörðun sína hafi hann enn fremur stuðst við minnisblað frá Hafrannsóknastofnun, sem óskað hafi verið eftir í kjölfar skýrslu Hagfræðistofnunar, en minnisblaðið hefur verið birt á heimasíðu ráðuneytisins.

Síðan hvalatalningar hófust 1987 hefur langreyði fjölgað jafnt og þétt ...
Síðan hvalatalningar hófust 1987 hefur langreyði fjölgað jafnt og þétt við Ísland. mbl.is/Kristinn Ingvarsson

Þrefaldast frá árinu 1987

Hafrannsóknastofnun ráðleggur að árlegar veiðar á tímabilinu 2018–2025 verði að hámarki 161 langreyður á veiðisvæðinu Austur-Grænland/Vestur-Ísland og að hámarki 48 dýr á svæðinu Austur-Ísland/Færeyjar og 217 hrefnur á íslenska landgrunnssvæðinu.

Ráðgjöf sína byggir stofnunin á veiðistjórnunarlíkani vísindanefndar Alþjóðahafrannsóknaráðsins (IWC), sem er í tilkynningunni sagt eitt það varfærnasta sem þróað hefur verið fyrir nýtingu á nokkrum dýrastofni í heiminum.

Síðan hvalatalningar hófust 1987 hefur langreyði fjölgað jafnt og þétt við Ísland. Við síðustu talningu 2015 var fjöldinn á skilgreindu stofnsvæði (Mið-Norður-Atlantshaf) metinn um 37 þúsund dýr, sem jafngildir um þreföldun frá 1987.

Útbreiðsla hrefnu færst norður

Hrefnu hefur fækkað mikið á grunnsævi við Ísland frá síðustu aldamótum. Ekki er þó talið að stofninn hafi minnkað heldur fremur að útbreiðslan hafi færst norður vegna minna fæðuframboðs hér á sumrin (síli og loðna). Ráðgjöf Hafrannsóknastofnunar tekur tillit til þessarar þróunar í útbreiðslu hrefnustofnsins, að því er fram kemur í tilkynningunni.

Í minnisblaðinu er vísað til þess að Náttúrufræðistofnun Íslands hafi nú í fyrsta sinn gefið út svæðisbundinn válista fyrir íslensk spendýr, þar sem beitt er sömu viðmiðum og á heimslista Alþjóðanáttúruverndarsjóðsins (IUCN). Þar flokkast langreyður sem „ekki í hættu“, sem sagt er staðfesta enn frekar gott ástand stofnsins hér við land, og það á einnig við um hrefnu, sandreyði og hnúfubak, auk smærri tannhvala.

mbl.is
Afurð Dags. Meðalverð
Þorskur, óslægður 22.3.19 330,06 kr/kg
Þorskur, slægður 22.3.19 407,71 kr/kg
Ýsa, óslægð 22.3.19 280,05 kr/kg
Ýsa, slægð 22.3.19 273,92 kr/kg
Ufsi, óslægður 22.3.19 83,11 kr/kg
Ufsi, slægður 22.3.19 148,89 kr/kg
Djúpkarfi 11.3.19 109,00 kr/kg
Gullkarfi 22.3.19 237,51 kr/kg
Litli karfi 19.3.19 0,00 kr/kg
Blálanga, óslægð 14.3.19 195,00 kr/kg

Fleiri tegundir »

22.3.19 Kaldbakur EA-001 Botnvarpa
Ufsi 81.805 kg
Ýsa 6.833 kg
Þorskur 2.797 kg
Karfi / Gullkarfi 1.468 kg
Samtals 92.903 kg
22.3.19 Jónína Brynja ÍS-055 Lína
Þorskur 216 kg
Hlýri 14 kg
Samtals 230 kg
22.3.19 Sjöfn SH-707 Plógur
Ígulker 546 kg
Samtals 546 kg
22.3.19 Fjóla SH-007 Plógur
Ígulker 664 kg
Samtals 664 kg
22.3.19 Einar Hálfdáns ÍS-011 Landbeitt lína
Þorskur 3.716 kg
Steinbítur 2.579 kg
Ýsa 561 kg
Skarkoli 33 kg
Samtals 6.889 kg

Skoða allar landanir »