Segir Seðlabankann undirbúa aðra sneypuför

Forstjóri Samherja. Þorsteinn Már Baldvinsson, fyrir miðri mynd, og fulltrúar …
Forstjóri Samherja. Þorsteinn Már Baldvinsson, fyrir miðri mynd, og fulltrúar Samherja mæta á fund með bankaráði Seðlabanka Íslands. mbl.is/​Hari

Stjórnendur Seðlabanka Íslands undirbúa nú enn eina sneypuförina af hálfu bankans. Þetta segir Garðar Gíslason hæstaréttarlögmaður og vísar til bréfs sem birt var á vef Seðlabankans á þriðjudag.

Bréf bankans ber yfirskriftina „Í tilefni álits umboðsmanns Alþingis“ en í umræddu áliti, sem birt var 25. janúar, kom meðal annars fram að umboðsmaður teldi að svar Seðlabanka Íslands til Þorsteins Más Baldvinssonar, forstjóra Samherja, í tengslum við erindi hans um afturköllun ákvörðunar um stjórnvaldssekt sem lögð var á vegna brota á reglum Seðlabankans um gjaldeyrismál, hefði ekki verið í samræmi við lög og að bankinn hefði ekki leyst úr erindinu með fullnægjandi hætti.

Málið sé umfangsmeira

Í bréfi Seðlabankans í gær segir svo að vegna fjölmiðlaumræðu, sem í sumum tilfellum hafi verið misvísandi varðandi það um hvað málið snúist, þyki Seðlabankanum rétt að gera nú að einhverju leyti nánari grein fyrir mati sínu á málinu.

Málið sé umfangsmeira en einungis það erindi sem umboðsmaður hafi veitt álit sitt á. Geti það varðað hvort í gildi hafi verið viðhlítandi refsiheimildir vegna brota á fjármagnshöftum frá nóvember 2008 og þar til í október 2011 þegar reglurnar hafi verið lögfestar.

„Verði niðurstaðan í þessu tiltekna máli sú að rétt settar reglur teljist ekki fullnægjandi refsiheimild þá mun það almennt gilda um þau fjármagnshöft sem útfærð voru í slíkum reglum þar til í október 2011,“ segir í bréfi bankans.

Athygli vekur að í framhaldinu er fullyrt að í þessu samhengi þurfi „að taka afstöðu til hvort Seðlabankinn geti úrskurðað um stjórnskipulegt gildi reglna um gjaldeyrismál sem refsiheimild á grundvelli umfjöllunar ríkissaksóknara í máli sem laut að öðrum reglum um gjaldeyrismál og fellt var niður þar sem formlegt samþykki ráðherra skorti við setningu þeirra eða hvort það sé einungis á færi dómstóla að kveða á um slíkt“.

Seðlabankinn birti bréfið á vefnum í gær.
Seðlabankinn birti bréfið á vefnum í gær. mbl.is/Golli

Enn eigi sýnilega að halda áfram á sömu braut

Í færslu á vef Samherja í dag segir Garðar að skrifin á vef bankans séu „augljós og illa falinn upptaktur að væntanlegri ákvörðun stjórnenda bankans um að halda fast við sinn keyp og láta ólögmætar stjórnvaldsákvarðanir þeirra um refsikennd viðurlög á hendur fjölmörgum einstaklingum og lögaðilum standa óhreyfðar, enda þótt umboðsmaður Alþingis og ríkissaksóknari, sem æðsti handhafi ákæruvalds, hafi mælt býsna skýrt um að þær reglur sem stjórnvaldsákvarðanirnar voru reistar á hafi ekki falið í sér gilda refsiheimild“.

Fer hann yfir þær fullyrðingar sem bankinn setur fram í bréfinu og segir þær margar alrangar.

„Því hefur áður verið haldið fram að stjórnendur Seðlabanka Íslands hafi misfarið með vald sitt í fyrrgreindum málarekstri sínum á hendur félögum í samstæðu Samherja hf. og helstu fyrirsvarsmönnum þeirra. Enn á sýnilega að halda áfram af þeirra hálfu á þeirri sömu braut,“ skrifar Garðar.

„Það er fyrir löngu kominn tími til að slíkri embættisfærslu linni og að stjórnendur Seðlabanka Íslands axli ábyrgð á misgerðum sínum – nú eða verði látnir axla hana, finni þeir ekki hjá sér tilefni til þess sjálfir.“

mbl.is

Bloggað um fréttina

Fleira áhugavert
Afurð Dags. Meðalverð
Þorskur, óslægður 18.3.24 558,73 kr/kg
Þorskur, slægður 18.3.24 503,96 kr/kg
Ýsa, óslægð 18.3.24 332,79 kr/kg
Ýsa, slægð 18.3.24 217,26 kr/kg
Ufsi, óslægður 18.3.24 221,12 kr/kg
Ufsi, slægður 18.3.24 222,80 kr/kg
Gullkarfi 18.3.24 234,41 kr/kg
Litli karfi 18.3.24 10,00 kr/kg
Blálanga, óslægð 11.3.24 50,00 kr/kg
Blálanga, slægð 18.3.24 208,37 kr/kg

Fleiri tegundir »

19.3.24 Öðlingur SU 19 Línutrekt
Þorskur 7.380 kg
Samtals 7.380 kg
18.3.24 Quantus PD 379 (MWSH6) GB 999 Flotvarpa
Kolmunni 1.746.888 kg
Samtals 1.746.888 kg
18.3.24 Sunnutindur SU 95 Línutrekt
Þorskur 10.868 kg
Ýsa 818 kg
Langa 137 kg
Keila 127 kg
Steinbítur 87 kg
Ufsi 4 kg
Samtals 12.041 kg
18.3.24 Straumey EA 50 Línutrekt
Þorskur 3.803 kg
Ýsa 146 kg
Steinbítur 54 kg
Samtals 4.003 kg

Skoða allar landanir »

Fleira áhugavert
Afurð Dags. Meðalverð
Þorskur, óslægður 18.3.24 558,73 kr/kg
Þorskur, slægður 18.3.24 503,96 kr/kg
Ýsa, óslægð 18.3.24 332,79 kr/kg
Ýsa, slægð 18.3.24 217,26 kr/kg
Ufsi, óslægður 18.3.24 221,12 kr/kg
Ufsi, slægður 18.3.24 222,80 kr/kg
Gullkarfi 18.3.24 234,41 kr/kg
Litli karfi 18.3.24 10,00 kr/kg
Blálanga, óslægð 11.3.24 50,00 kr/kg
Blálanga, slægð 18.3.24 208,37 kr/kg

Fleiri tegundir »

19.3.24 Öðlingur SU 19 Línutrekt
Þorskur 7.380 kg
Samtals 7.380 kg
18.3.24 Quantus PD 379 (MWSH6) GB 999 Flotvarpa
Kolmunni 1.746.888 kg
Samtals 1.746.888 kg
18.3.24 Sunnutindur SU 95 Línutrekt
Þorskur 10.868 kg
Ýsa 818 kg
Langa 137 kg
Keila 127 kg
Steinbítur 87 kg
Ufsi 4 kg
Samtals 12.041 kg
18.3.24 Straumey EA 50 Línutrekt
Þorskur 3.803 kg
Ýsa 146 kg
Steinbítur 54 kg
Samtals 4.003 kg

Skoða allar landanir »