Iceland Seafood sameinar dótturfélög

Bjarni Ármannsson, forstjóri Iceland Seafood International
Bjarni Ármannsson, forstjóri Iceland Seafood International Ljósmynd/Íris Dögg Einarsdóttir

Stjórn Iceland Seafood International hefur ákveðið að hefja sameiningu á tveimur dótturfélögum sínum á Spáni, Iceland Seafood Spain og Icelandic Ibérica. Félagið Icelandic Ibérica varð hluti af ISI-samsteypunni í september á síðasta ári, í kjölfar kaupa ISI á Solo Seafood sem þá var aðaleigandi Icelandic Ibérica.

Markmið samrunans er í tilkynningu sagt vera að styrkja enn frekar markaðsstöðu félagsins í Suður-Evrópu, þar sem fyrirtækin séu leiðandi í léttsöltuðum og söltuðum þorski. Samanlögð velta félaganna tveggja er þá sögð vera um 180 milljónir evra.

Þessi tvö fyrirtæki verða stærsta einstaka eining innan ISI-samsteypunnar að samruna loknum. Félögin eru með starfsemi víðs vegar á Spáni og á Ítalíu en þau framleiða og selja afurðir undir vinsælum og þekktum vörumerkjum í Suður-Evrópu. 

Icelandic Ibérica var stofnað árið 1996 og er í dag stærsti söluaðili léttsaltaðs þorsks frá Íslandi í Suður-Evrópu, sem er stærsta markaðssvæði íslenskra þorskafurða. Iceland Seafood Spain var stofnað árið 1988 og byggir á áratuga reynslu af markaðssetningu á söltuðum þorskafurðum.

Náð að byggja upp nýjan markað

Nýju sameinuðu félagi verður stýrt af Magnúsi B. Jónssyni, núverandi forstjóra Iceland Seafood Spain, en Hjörleifur Ásgeirsson, forstjóri Icelandic Ibérica, lætur af störfum eftir 23 ár í starfi.

„Þessi breyting er rökrétt skref í þeirri framþróun sem við höfum verið í í Suður-Evrópu. Ég vil nota þetta tækifæri og óska Magnúsi B. Jónssyni til hamingju með nýtt starf en ég veit að hann mun ásamt sterku teymi á Spáni ná framúrskarandi árangri í að þróa áfram þessa nýju einingu. Ég hlakka mikið til að styðja við þetta verkefni og fylgjast með fyrirtækinu styrkjast enn frekar,“ segir Bjarni Ármannsson, forstjóri ISI.

„Ég vil jafnframt koma á framfæri þökkum til Hjörleifs Ásgeirssonar, framkvæmdastjóra Icelandic Ibérica. Hjörleifur hefur verið hjá félaginu á Spáni frá stofnun en í dag er Icelandic Ibérica stærsta fyrirtæki í sölu á léttsöltum þroski í Suður-Evrópu. Hann hefur á þessum tíma náð á einstakan hátt að byggja upp nýjan markað á þessu svæði og hverfur nú frá sterku fyrirtæki sem er leiðandi á sínu sviði.“

mbl.is
Afurð Dags. Meðalverð
Þorskur, óslægður 25.3.19 316,38 kr/kg
Þorskur, slægður 25.3.19 348,07 kr/kg
Ýsa, óslægð 25.3.19 287,16 kr/kg
Ýsa, slægð 25.3.19 280,58 kr/kg
Ufsi, óslægður 25.3.19 104,61 kr/kg
Ufsi, slægður 25.3.19 153,72 kr/kg
Djúpkarfi 25.3.19 161,00 kr/kg
Gullkarfi 25.3.19 198,82 kr/kg
Litli karfi 19.3.19 0,00 kr/kg
Blálanga, óslægð 14.3.19 195,00 kr/kg

Fleiri tegundir »

25.3.19 Edda NS-113 Grásleppunet
Grásleppa 805 kg
Samtals 805 kg
25.3.19 Már SK-090 Grásleppunet
Grásleppa 1.194 kg
Þorskur 408 kg
Samtals 1.602 kg
25.3.19 Eydís NS-320 Grásleppunet
Þorskur 1.016 kg
Grásleppa 445 kg
Skarkoli 16 kg
Ýsa 10 kg
Steinbítur 6 kg
Samtals 1.493 kg
25.3.19 Sunnutindur SU-095 Línutrekt
Þorskur 2.907 kg
Langa 1.026 kg
Ýsa 670 kg
Keila 213 kg
Ufsi 25 kg
Steinbítur 11 kg
Karfi / Gullkarfi 6 kg
Samtals 4.858 kg

Skoða allar landanir »