Heiðrún og Guðmundur slógu í gegn

Guðmundur Kristjánsson, forstjóri HB Granda, á ráðstefnunni.
Guðmundur Kristjánsson, forstjóri HB Granda, á ráðstefnunni. Ljósmynd/Íslandsstofa

Íslenskur sjávarútvegur var áberandi á sjávarútvegsráðstefnunni North Atlantic Seafood Forum sem fór fram í 14. skipti í Björgvin í Noregi í síðustu viku. Á ráðstefnunni í ár var Ísland gestaþjóð og á fyrsta degi hennar fór meðal annars fram málstofa með erindum frá íslenskum fyrirtækjum undir þemanu „sjálfbærni, gæði og nýsköpun“.

Mjög góð mæting var á íslensku málstofuna og mikill áhugi meðal annars frá erlendum blaðamönnum, sem vildu kynnast því sem Íslendingar eru að gera í sjávarútveginum í dag, að því er fram kemur á vef Íslandsstofu.

Íslenskir fyrirlesarar voru einnig áberandi á aðaldagskrá ráðstefnunnar sem er ein sú stærsta sinnar tegundar í heiminum, en tæplega þúsund manns sækja hana árlega.

Eftir ávarp Ernu Solberg forsætisráðherra Noregs héldu bæði Heiðrún Lind Marteinsdóttir framkvæmdastjóri SFS og Guðmundur Kristjánsson forstjóri HB Granda erindi sem sögð eru hafa slegið í gegn á stóra sviðinu í Björgvin.

Stóð fyrir kokteilboði

Í lok aðaldagskrár ráðstefnunnar kynntu þau Stella Björg Kristinsdóttir og Kristján Þ. Davíðsson nýtt kynningarmyndskeið sem ber yfirskriftina "Inspired by Iceland" og sýndi forystuhlutverk Íslands í alþjóðlegum sjávarútvegi, þar sem tækni og nýsköpun eru megindrifkrafturinn.

Að kvöldi 6. mars stóð íslenska sendinefndin fyrir kokteilboði í samstarfi við sendiráð Íslands í Ósló fyrir alla gesti ráðstefnunnar þar sem aðilum gafst færi á að efla tengslin og mynda ný.

Ráðstefnunni lauk 7. mars en alls kynnti þar 21 íslenskt fyrirtæki starfsemi sína undir sameiginlegu yfirskriftinni "Inspired by Iceland", þ.e. Arion banki, Arnarlax, Curio, D-Tech, Hábrún, HB Grandi, Iceland Responsible Fisheries, Íslandsstofa, Marel, Matís, MSC á Ísland, Pólar toghlerar, Samskip, SFS, Skaginn 3X, Sæplast, Trackwell, VAKI, Valka, Viðskiptaþróun og Vísir.

mbl.is

Bloggað um fréttina

Afurð Dags. Meðalverð
Þorskur, óslægður 25.3.19 316,72 kr/kg
Þorskur, slægður 25.3.19 348,07 kr/kg
Ýsa, óslægð 25.3.19 287,19 kr/kg
Ýsa, slægð 25.3.19 280,52 kr/kg
Ufsi, óslægður 25.3.19 104,58 kr/kg
Ufsi, slægður 25.3.19 153,83 kr/kg
Djúpkarfi 25.3.19 161,00 kr/kg
Gullkarfi 25.3.19 198,82 kr/kg
Litli karfi 19.3.19 0,00 kr/kg
Blálanga, óslægð 14.3.19 195,00 kr/kg

Fleiri tegundir »

25.3.19 Dalborg EA-317 Grásleppunet
Grásleppa 1.177 kg
Þorskur 271 kg
Samtals 1.448 kg
25.3.19 Arnþór EA-037 Grásleppunet
Grásleppa 1.114 kg
Þorskur 650 kg
Skarkoli 43 kg
Steinbítur 12 kg
Rauðmagi 11 kg
Samtals 1.830 kg
25.3.19 Sæfari ÁR-170 Plógur
Sæbjúga /Hraunpussa 10.560 kg
Samtals 10.560 kg
25.3.19 Straumur ST-065 Grásleppunet
Grásleppa 2.917 kg
Þorskur 1.136 kg
Skarkoli 67 kg
Samtals 4.120 kg

Skoða allar landanir »