Gefast upp á allri formlegri loðnuleit

Allri formlegri leit að loðnu er lokið fyrir þessa vertíð. Niðurstaðan er sú að Hafrannsóknastofnun mun ekki leggja til að gefnar verði út aflaheimildir fyrir tegundina.

Fundi Hafrannsóknastofnunar með þeim útgerðum sem eiga loðnukvóta lauk nú fyrir skemmstu og staðfestir Þorsteinn Sigurðsson, sviðsstjóri upp­sjáv­ar­líf­rík­is hjá stofn­uninni, að þar hafi verið ákveðið að hætta formlegri leit.

„Þó verður það þannig að ef einhverjar afgerandi stórfréttir berast, þá auðvitað bregðumst við við. En menn telja líkurnar á því vera orðnar sáralitlar.“

Frétt af mbl.is

Verður gefist upp á leitinni í dag?

Uppsagnir í Fjarðabyggð og Eyjum

Sveit­ar­fé­lög­in sem verða fyr­ir mesta áfall­inu vegna yf­ir­vof­andi loðnu­brests hafa beðið með að taka upp fjár­hags­áætlan­ir sín­ar þangað til af­drif loðnunn­ar yrðu full­ráðin.

Í byrjun mars hafði um fimmtán manns þegar verið sagt upp vegna loðnu­brests í Fjarðabyggð og samkvæmt útreikningum sveitarfélagsins munu laun starfs­manna í sjáv­ar­út­vegi í sveit­ar­fé­lag­inu lækka um 13% á þessu ári ef fram fer sem horfir.

Frétt af mbl.is

Um fimmtán manns verið sagt upp

Þá hefur Ísfélagið sett uppsjávarskipið Álsey VE á söluskrá og sagt upp hluta áhafnar, meðal annars sökum loðnubrests, eins og 200 mílur greindu frá fyrr í dag.

Frétt af mbl.is

Skipið til sölu og skipverjum sagt upp

• Blogga um frétt